Pak para protestës së Berishës, Basha mbledhje në seli me Kolegjin e Kryetarëve e më pas me Kryesinë për zbatimin e vendimeve të Kuvendit të 18 dhjetorit

Një orë para protestës së thirrur nga Sali Berisha, Lulzim Basha do të mbledhë në selinë e PD Kolegjin e Kryetarëve, ku do të diskutohet mbi zbatimin e vendimeve të dala nga Kuvendi Kombëtar i 18 dhjetorit. Pas takimit me Kolegjin e Kryetarëve, Basha do të mbledhë edhe Kryesinë për të miratuar programin e diskutuar nga Kolegji. 

Kujtojmë se në Kuvendin Kombëtar të 18 dhjetorit u rrëzuan vendimet e dala nga Kuvendi i 11 dhjetorit i Berishës, përfshirë edhe shkarkimin e Bashës, ndërsa u miratua edhe ndalimi i çdo personi të shpallur 'non grata' në PD që të jetë pjesë e pozicioneve drejtuese në parti.

“Të nderuar Kryetarë,

LEXO EDHE:
Jakin Marena: Argita, shkaku i ‘divorcit’ Berisha-Meta, SPAK do t’i ‘bashkojë’?!

Të shtunën, datë 8 Janar, ora 11:00 do të zhvillohet mbledhja e Kolegjit të Kryetarëve të PD për diskutimin mbi kalendarin dhe masat për organizimin e partisë në zbatim të vendimit të Kuvendit Kombetar të datës 18 Dhjetor “Për miratimin e programit organizativ të Partisë Demokratike”. Në mbledhje merr pjese edhe Sekretariati i Partisë. Programi i diskutuar dhe miratuar nga Kolegji i Kryetarëve, do ti nënshtrohet më pas miratimit nga Kryesia e Partisë, e cila do të mblidhet po atë ditë", thuhet në mesazhin e dërguar nga Gazment Bardhi.

Lajmi kryesor:

Berisha gati 3 orë 'luftë' në PD për selinë, 'pushton' vetëm katin e parë! Basha i paprekur në zyrën e tij! Policia shpërndan sulmuesit! Ish-Kryeministri tërhiqet: Rikthehemi më fuqishëm

/r.k./Shqiptarja.com

TAG:
• lulzim basha
• PD
• sali berisha
• Lufta brenda PD
• perplasja berisha basha
• 8 janari i berishes