POP 5

Lajmet më të lexuara të 5 minutave të fundit

Kosova & Rajoni

Pakicat shkojnë në Kushtetuese
për vendet e rezervuara në Kuvend

Përfaqësuesit e pakicave në Kuvendin e Kosovës kanë vendosur t'i drejtohen Gjykatës Kushtetuese për të kërkuar interpretim kushtetues për vendet e rezervuara për minoritetet në Kuvendin e Kosovës.
PRISHTINE - Përfaqësuesit e pakicave në Kuvendin e Kosovës kanë vendosur t'i drejtohen Gjykatës Kushtetuese për të kërkuar interpretim kushtetues për vendet e rezervuara për minoritetet në Kuvendin e Kosovës.
 
Kështu, pakicat po pretendojnë se s'kanë përfunduar dy mandatet e parapara në Kushtetutë, meqë mandati ishte ndërprerë një vit para kohe.
 
"Deputetët e pakicave kanë nënshkruar një kërkesë përmes të cilës të hënën do t'i drejtohen Gjykatës Kushtetuese që të sqarojë nëse ka skaduar mandati ëpr vendet e rezervuara. Do të dërgojmë këtë çështje në Gjykatë pasi ka dilema nëse ka përfunduar apo jo këto mandate", ka thënë Zëvendëskryeministri Sllobodan Petrovic për televizionin publik.
 
Edhe Ministri tjetër në Qeverinë e Kosovës, Nenad Rashic ka thënë se vazhdimi i mandateve të rezervuara edhe për një mandat për pakicat shkon në të mirë të Kosovës dhe integrimit në BE.
 
“Konsideroj që kjo do të shkonte në të mirë të Kosovës, në të kundërtën në vend që të përshpejtojmë afrimin me BE’në, në këtë formë po shkojmë larg e më larg saj, e besoj se ky nuk është qëllimi as i partive në pozitë as i atyre në opozitë”, ka deklaruar Rasic.
 
Ai ka thënë se opsioni i fundit është braktisja e institucioneve nëse nuk i vazhdohet edhe për një mandat vendet e rezervuara për pakicat në Parlament, shkruan Express.
 
Sidoqoftë, gjatë ditës, edhe Këshilli Konsultativ për Komunitete që funksionon në kuadër të Zyrës së Presidentes, i ka dhënë përkrahje vazhdimit të mandatit të vendeve të rezervuara.
 
"Gjithashtu në mbledhjen e sotme Këshilli i dha përkrahje kërkesës së deputetëve të komuniteteve jo shumicë për vazhdimin e vendeve të rezervuara në Kuvendin e Republikës së Kosovës", thuhet në njoftimin e Këshillit Konsultativ për Komunitete.
 
Deri më tash vetëm Qeveria dhe një pjesë e PDK'së dhe AKR'së kanë dalë pro vendeve të rezervuara për pakicat në Kuvendin e Kosovës. Derisa LDK dhe Vetëvendosje kanë thënë se s'ka më asnjë arsye t'iu vazhdohet edhe për një mandat vendet e rezervuara për pakicat në Parlament.
 
Edhe përfaqësuesit ndërkombëtarë në Kosovë kanë kërkuar nga partitë politike mirëkuptim për vazhdimin e vendeve të rezervuara për pakicat.
 
Redaksia online
(ac/shqiptarja.com)

/Shqiptarja.com
  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

SHBA, avioni me 60 pasagjerë në bord përplaset me një helikopter ushtarak në Uashington, ka viktima

SHBA, avioni me 60 pasagjerë në bord përplaset me një helikopter ushtarak në Uashington, ka viktima

30 Janar, 07:16