POP 5

Lajmet më të lexuara të 5 minutave të fundit

Politikë

Gjiknuri mohon pretendimet e PD: S’pati presion, por reflektim, sigurojmë votat për kalimin e reformës (Nesër mblidhet Këshilli Politik)

Mazhoranca mohon të ketë pasur ndërhyrje nga ndërkombëtarët për të ulur në tryezë PD dhe PS. Bashkëkryetari i reformës zgjedhore Damian Gjiknuri e quan një marrëveshje të mirëfilltë shqiptare teksa pranon se realizimi i kësaj reforme me dy opozita është i vështirë.

Pavarësisht pretendimeve të PD, bashkëkryetari i Komisionit të Reformës Zgjedhore Damian Gjiknuri mohon të ketë pasur ndërhyrje nga diplomatët e huaj për tryezën e përbashkët PD-PS-LSI, duke e quajtur një marrëveshje të mirëfilltë shqiptare.

“Dua të theksoj dicka, kjo është marrëveshje e mirëfilltë shqiptare, nuk ka pasur asnjë trysni ndërkombëtare që palët me patjetër të kishin marrëveshje, nuk ka patur asnjë rol ndërkombëtar që palët apo ndërkombëtarët të merrnin rol udhëheqës në këtë proces, përkundrazi kanë inkurajuar dialogun. Ajo cfarë u arrit është dialog i përbashkët, një reflektim i secilës palë për të gjetur mënyrë komunikimi për reformën zgjedhore”, tha Gjiknuri.

Takimi mes PD-PS është arritja e konsensusit politik për të dalë në një draft të vetëm, por për Damian Gjiknurin bashkëpunimi me dy opozita, një në parlament dhe një jashtë këtij institucioni është i vështirë.

“Kemi një opozitë që është në Kuvend dhe që ka vota, kemi një opozitë që ka vota popullore, njëra ka mandate kuvendi, tjetra përfaqëson elektorat të caktuar, kemi dy opozita  me të cilat do na duhet të bashkëpunojmë me të dyja për të gjetur kompromisin e përshtatshëm. Natyrshëm është më e vështirë se në mënyrë bilaterale por politika është këtu për të gjetur kompromise”, shtoi Gjiknuri.

Por edhe nëse nuk do të kenë mbështetjen e të gjitha palëve, mazhoranca është e vendosur për të siguruar votat e mjaftueshme për kalimin e reformës zgjedhore.

 “Unë nuk besoj se politika duhet të bëhet aq kokforte sa të vendosë kushte që po nuk miratove këtë, nuk të miratoj reformën zgjedhore. Pastaj ne natyrshëm si mazhorancë do bëjmë gjithcka kemi në dorë për të siguruar zgjedhje të lira e të ndershme, me të gjitha ato  aftësi apo kapacitete, qoftë vota apo administrative që ka mazhoranca”, tha Gjiknuri.

Report tv mëson se ditën e nesërme, Këshilli Politik i dalë nga tryeza e PD-PS-LSI do të zhvillojë një mbledhje  me dy bashkëkryetarët e reformës zgjedhore dhe ekspertët e komisionit për të adresuar projekt propozimet përkatëse për reformën zgjedhore.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Dha dorëheqjen si kryebashkiak i Shkodrës? Reagon Benet Beci: Kush do të merret me llafe të merret me llafe

Dha dorëheqjen si kryebashkiak i Shkodrës? Reagon Benet Beci: Kush do të merret me llafe të merret me llafe

5 Nëntor, 11:15 nga Ergys Kavaja