POP 5

Lajmet më të lexuara të 5 minutave të fundit

Kronikë

Pallati i Sportit në Korçë 'bërtet' për rikonstruksion, drejtoresha klubit 'Skëndërbeu': Situata drejt më së keqes

Sportistët e rinj në Korçë stërviten në kushte mjaft të vështira pasi pallati i sportit 'Tamara Nikolla' është në gjendje të degraduar. Prej vitit 1975 kur u ndërtua, nuk ka njohur asnjë investim. Drejtoresha e Tatiana Marash tha për 'Report Tv' se fondi për rikonstruksionin e tij është miratuar por procedurat burokratike kanë bërë që të vonojë nisja e punimeve.

I ndërtuar në vitin 1975, Pallati i Sportit 'Tamara Nikolla' në qytetin e Korçës, po shkon drejt degradimit.

Pavarësisht premtimeve në kohë fushatash, qartazi shihet se kjo ndërtesë nuk e ka njohur dorën e investimeve, duke çuar kështu drejt rrënimit këtë arenë triumfesh.

Drejtoresha e klubit shumë sportësh 'Skëndërbeu', Tatiana Marash, tregon dëmtimet madhore që ka pësuar Pallati i Sportit ndër vite, duke filluar nga çatia, deri tek rrjeti elektrik tejet i amortizuar.

“Situata po vjen drejt më të keqes. Nuk mbajmë dot parketit në kushtet minimale për të luajtur, pasi probleme të mëdha na ka sjellë çatia pasi është teje mase i dëmtuar. Ndriçimi është problem tjetër. Rrjeti është i amortizuar. Rregullime pjesore kemi bërë, por është i pa mundur të mbahet vetëm me investimet tonë”, tha Drejtoresha e klubit shumë sportesh, Tatiana Marash.

Kjo godinë ka nevojë emergjente për rikonstruksionin total, ndërsa sportistët që luajnë në të tilla kushte ajo i cilëson heronj të heshtur.

“Tani kemi një moment të dëshiruar. Bashkia u bë zemërgjerë dhe filloi të mendojë për pallatin e sportit. Koha e proceseve qenka e gjatë dhe strapacuese. Ka kohën e vet konfirmimi, ankesat. Të hënën do dalin subjektet që kanë fituar tenderin”, përfundoi ajo.

Të interesuar pranë Bashkisë Korçë, ky institucion bën me dije se Pallati i Sportit shumë shpejt do ti nënshtrohet rikonstruksionit total me nje fond prej 3 milion e 500 mijë lekësh.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Korcari: 04/07/2021 17:57

    Kerkojani fondet Sotiraq Filit Ridvan Bodes dhe Ardian Takajt.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu