POP 5

Lajmet më të lexuara të 5 minutave të fundit

4 muaj nga mbledhja e fundit, PD e Berishës thërret sërish mbledhjen e Këshillit Kombëtar: Fokus aksioni opozitar

Kur nuk kanë kaluar 4 muaj nga mbledhja e fundit, Edi Paloka në cilësinë e kryetarit ka njoftuar se Partia Demokratike do të mbledh Këshillin Kombëtar, ku në fokus do të jetë në të cilën do të ketë vetëm një çështje në diskutim në rendin e ditës.

4 muaj nga mbledhja e fundit, PD e Berishës thërret sërish mbledhjen e Këshillit Kombëtar: Fokus aksioni opozitar

Këshilli Kombëtar i Partisë Demokratike

TIRANË- Kur nuk kanë kaluar 4 muaj nga mbledhja e fundit, Edi Paloka në cilësinë e kryetarit ka njoftuar se Partia Demokratike do të mbledh Këshillin Kombëtar, ku në fokus do të jetë vetëm një çështje në diskutim në rendin e ditës. Në mbledhjen që do të mbahet të hënën e 26 shtatorit të orësh 17.00, fokusi do të jetë diskutime rreth situatës politike. Gazetarja e Report Tv, Danjela Maloku ka zbardhur mesazhin që Paloka u ka dërguar deputetëve demokrat, ku thuhet se ndër të tjera do të shihet edhe ecuria e grupeve të punës në të gjithë vendin.

"Kryetari i Këshillit Kombëtar, Edi Paloka ka njoftuar se ditën e hënë, 26 shtator, ora 17.00, mblidhet Këshilli Kombëtar i PD me rend dite:- Diskutime rreth situatës  politike dhe vendimarrje mbi aksionin opozitar. Në këtë kuadër do të shqyrtohet ecuria e procesit të nisur nga grupet e punës në të gjithë vendin për konsolidimin e strukturës së PD", thuhet në njoftim.

Mbledhja e fundit e Këshillit Kombëtar u zhvillua më 6 qershor ku u zgjodhën edhe strukturat e reja te Partisë. Ajo vjen në një moment ku Partia Demokratike vijon të jetë e përçarë edhe e ndarë në disa pjesë, një nga mbështetësit e Sali Berishës, një ‘grupi i Alibeaj’ dhe një tjetër që kanë zgjedhur që të mbajnë një qëndrim më asnjanës duke u pozicionuar në asnjë anë.

Sa i takon aksionit opozitar, Berisha ka deklaruar se është në koordinim të plotë me Partinë e Lirisë dhe kryetarin e saj, Ilir Meta, të cilët kanë paralajmëruar për protesta të vazhdueshme.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

MPJD i kundërpërgjigjet Beogradit, ia refuzon kërkesën për vizitë një ministri serb

MPJD i kundërpërgjigjet Beogradit, ia refuzon kërkesën për vizitë një ministri serb

25 Dhjetor, 20:12