Në kuadër të një turi rajonal, ditën e sotme në Shqipëri ka mbërritur një delegacion gjerman.

Gjatë një konference për shtyp, Josip Juratoviç, anëtar i Bundestagut u shpreh se fajin që shqipëtarët ikin nga Shqipëria e ka opozita, e cila ka dalë nga Parlamenti.

Pas kësaj deklarate ka reaguar ish-deputeti i PD-së, Edi Paloka. Në një postim në Facebook, ai e ka cilësuar kryetarin e delegacionit gjerman, si një të ftuar të kreut parlamentar, Taulant Balla. Paloka e ka krahasuar gjithashtu me këtë të fundit, duke e quajtur 'Tao që flet gjermanisht'.

Ndërkaq, ai ka hedhur edhe akuza se gazetarët nuk ishin të lirë të bënin pyetjet që dëshironin.

Statusi i plotë

"Sapo dëgjova nga një i ftuar i Tao Pallës që fliska gjermanisht se “fajin që ikin shqiptaret nga Shqipëria e ka opozita që ka dalë nga Parlamenti...”.

Dikush nga gazetarët donte ta pyeste : a e lexon Bildin ky Tao që flet gjermanisht. Po siç thane gazetarët e pranishëm edhe mikrofonin dhe të drejten për pyetje e jepte një Tao tjetër..."