Një lokal është gjobitur nga Policia në Tiranë pasi kishte thyer urdhrin e qeverisë duke qëndruar hapur dhe duke ofruar kafe për qytetarët. Policia ndërhyri në një aksion duke nxjerrë jashtë qytetarët, ndërsa u plotësua gjoba për njësinë tregtare, me 100 mijë lekë të rinj.

Gjatë 24 orëve të fundit në total janë konstatuar 9 njësi tregtie që nuk kanë zbatuar orarin e mbylljes dhe ndaj administratorëve është marrë masa administrative

1 person ka shkelur vetëkarantiminim në Tiranë dhe është gjobitur me 7 qind mijë lekë.

Gjatë 24 orëve të fundit, në të gjithë vendin janë evidentuar 33 shoferë që kanë shkelur urdhrin e ndalim qarkullimit, të cilët janë ndëshkuar me heqje të lejes së drejtimit dhe bllokim të makinës.

223 qytetarë u gjobitën me 10 mijë lekë, të cilët u konstatuan nga shërbimet e Policisë duke lëvizur në këmbë apo me biçikleta, pa ndonjë arsye apo emergjencë.

Gjithashtu, janë ndëshkuar me masë administrative 20.000 lekë dhe bllokim të makinës për 3 muaj, 2 qytetarë, pasi nuk kanë zbatuar urdhrin për kufizimin e lëvizjeve në parqe dhe zona të gjelbra të hapura, në zonat urbane apo mjedise të tjera publike të hapura.