PAMJET me dron në Kukësin që po mban nën kontroll COVID-in

Qyteti i Kukësit prej disa ditësh me radhë nuk ka regjistruar asnjë rast të ri me COVID-19. Edhe katër  testet  e fundit kanë rezultuar negative. Vatra në Kukës deri me tani po duket se po izolohet duke mbetur në kuotën e 18 të prekurve, nga të cilët  deri më tani 10 janë të shëruar dhe të karantinuar në shtëpitë e tyre. Sipas Njësisë Vendore të Kujdesit Shëndetësor, aktualisht nga numri i aktiv i të infektuarve me koronavirusin në qytetin e Kukësit është 5 persona. Njëri prej tyre është i shtruar në  Spitalin Infektiv, Tiranë.

Sakaq, në gjendje të mirë shëndetësore janë edhe 6 policët e infektuar të izoluar në pritje të kohën për tiu nënshtruar testimeve përfundimtare ndërsa janë shëruar 5 punonjësit e personelit shëndetësor të spitalit të Kukësit të infektuar më herët. Me shfaqjen e rasteve të para në Kukës u zhvilluan mbi 200 teste, por fatmirësisht deri më tani  duket se gjithçka flet me shenja optimizmi për të dalë edhe Kukësi nga harta e Covid-19. Rasti i parë me covid 19 në qytetin e Kukësit u shënua me 14 prill 2020.

Në Kukës prej disa ditësh policia vendore po bën operimin në terren me dron, për identifikimin e personave që thyejnë karantinën apo orarin e ndalim qarkullimit  në fashat e orarit kur është e ndaluar lëvizja. Kontrollet po zhvillohen edhe në oraret kur është e ndaluar lëvizja si dhe gjatë fundjavës kur edhe Kukësi futet në karantinë të plotë.

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ekskluzive/ Fondet e IPARD do zhbllokohen në vitin 2025! Zv.ministri për Report Tv: Skema kombëtare këtë vit do të arrijë në 54 mln usd

Ekskluzive/ Fondet e IPARD do zhbllokohen në vitin 2025! Zv.ministri për Report Tv: Skema kombëtare këtë vit do të arrijë në 54 mln usd