Edmond Panariti ish-deputet i LSI-së në një lidhje me skype në edicionin qëndror informativ në Report Tv në lidhje me inkriminimin e 21 komisionerëve zgjedhorë të PD, PS, LSI dhe PR për zgjedhjet e 2017-ës tha se janë të hapur për hetimin. Ai e konsideroi një nismë pozitive faktin se frymëzuesit kryesorë të deformimit dhe presionit kundër votës së lirë po hetohen.
"Hetim të komisionerëve kemi pasur edhe më parë. duhet të goditen në radhë të parë ata që janë frymëzuesit kryesorë të deformimit dhe presionit kundër votës së lirë. Për të pasur një hetim më substancial duhet të fillohet nga koka. Është pozitive që hetohen por frymëzuesit duhet të hetohen. Çdokush i cili është i përfshirë në procesin e devijimit të votës duhet të hetohet, këtë e kemi kërkuar. Shpresojmë që hetimet e mëvonshme të Spakut të vërtetojnë këtë deformim. Unë jam i bindur që maxhoranca është në thelb të këtij devijimi. Ne nuk komentojmë veprimet por duam thjesht që drejtësia të jetë integrale. Ata dëshirojnë që nivelet e larta që janë kapur në flagrancë të jenë të parët që të hetohen", tha Panariti.
Në lidhje me debatet mes PS dhe opozitës së bashkuar në lidhje me listat e hapura dhe ndryshimet kushtetuese, ai tha se nuk do të lejojë kurrsesi që kushtetuta të ndryshohet në mënyrë të njëanëshme, pasi ky është një gjest i rëndë. Panariti e krahason marrëveshjen zgjedhore me pëlhurën e Penelopës që sipas tij thuret ditën e shthuret natën.
"Opozita i ka bërë të gjitha përpjekjet për marrëveshjet. Është një gjest i rëndë, nuk mund të ndryshohet kushtetuta. Nuk duhet të lejojmë kurrë që të preket kushtetuta e këtij vendi. Ne nuk jemi naivë besojmë tek marrëveshja. Marrëveshja i ngjan pëlhurës së Penelopës që thuret ditën e shthuret natën. Nuk mendojmë se ky parlament ka legjitimitetin që të kryejë ndryshimin e kushtetutës. Shpresojmë që presioni i madh ndërkombëtar, si apelet e Bundestagut, të ndikojnë që maxhoranca të tërhiqet nga ndryshimi i kushtetutës. Do të ketë veprim të integruar dhe bashkërenduar të opozitës së bashkuar. Unë mendoj se pati një dokument të thjeshtë që integronte në kod zgjedhor ku mundet të ruhej formula aktuale e koalicioneve dhe të votohej 100% me lista të hapura. Mund të ishte arritur, fakti që PS nuk e pranoi, tregoi se nuk ka qenë ky halli por ka qenë hapja e koalicioneve. LSI është pjesë e pandarë e koalicionit opozitar dhe do të jemi bashkë në zgjedhjet e ardhshme. Listat e hapura janë mënyra më e saktë e përfaqësimit", tha Panariti.
Në lidhje me prekjen e kryebashkiakut Erion Veliaj dhe deputetëve në parlament me COVID, Panariti tha se ndjen keqardhje për të gjithë politikanët që u prekën. Ai thotë se në kuvend nuk janë respektuar masat e nevojshme si mbajtja e maskës apo respektimi i distancimit.
"Më vjen keq që janë të infektuar. Është një keqardhje e madhe që në seancën parlamentare nuk merren masat e duhura si mbajtja e maskave, respektimi i distancës, shpeshherë kemi parë tashmë si spektatorë nga televizori që në seancat parlamentare jo të gjithë kanë respektuar masat kundër përhapjes së covidit dhe kjo ka qenë një premisë. Shpresoj që qeveria përmes gjurmimit dhe analizave të pengojë përhapjen e zinxhirit të infeksionit që ka marrë përmasa të frikshme", tha Panariti.
Lajme të tjera
-
'Gati shqipe', turi me diasporën, Rama nesër takim me shqiptarët e Londrës! Pamje nga salla
23 Nëntor, 07:32 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
‘Alarmi’ për votën e emigrantëve, KQZ garanton: S’ka dështim! Ose ndërrojmë Kodin, ose paguajmë shtrenjtë! Votimi e numërimi elektronik 18.2 mln euro vetëm për Tiranën
21 Nëntor, 12:25 -
Sondazhi i Report Tv/ PS merr 9 mandate dhe PD me 5 deputetë në Qarkun e Elbasanit
20 Nëntor, 21:11 -
Zgjedhjet 2025/ PS ndryshime të drejtuesve politikë në qarqe, Blendi Gonxhja ikën nga Dibra vjen në Kombinat! Emri kush pritet ta zëvendësojë
20 Nëntor, 18:17 -
Përplasje te ‘Mandatet’/ Opozita kërkon heqjen e mandatit, Vullnet Sinaj: Shpifës, ke gëlltitur një lugë çorbë të prishur e do vjedhësh gjithë jetën! Bardhi: Ke futur duart në buxhet
20 Nëntor, 12:38 -
Premtimi i Veliajt, nga 1 janari 2025 pensionistët do të udhëtojnë falas me autobus në Tiranë! Vendimi miratohet me votat e socialistëve në Këshillin Bashkiak
19 Nëntor, 17:54 -
Ngjela për Report Tv: Rama e ka të sigurt mandatin e katërt! PD s’ka vota pa ikur Berisha, është non grata
18 Nëntor, 21:09 -
Përplasja Kushtetuese/ Komisioni i Venecias nis misionin fakt-mbledhës për çështjen Xhaçka! 4 grupet parlamentare dëgjohen online, opinioni jepet në mes dhjetorit
18 Nëntor, 14:00 -
Vota e diasporës/ PD: Edi Rama dhe PS kanë nisur operacionin kriminal për ta manipuluar
16 Nëntor, 18:59 -
SPAK merr 2 orë në pyetje Jurgis Çyrbjen e bashkëpunëtorin e tij! Ish-deputeti i PS: S'kam patur kurrë Sky Ecc, as kam strehuar persona në kërkim
15 Nëntor, 14:13
-
Sondazhi në Report Tv/ Nëse zgjedhjet mbahen sot, Rama ‘korr’ mandatin e 4! Rikthimi i Trump nuk 'shpëton' Berishën nga non grata! 73.5% e quajnë dështim mosbindjen civile të PD
14 Nëntor, 21:08
