Pandemia në Ballkan/ Më shumë se 500 raste të reja infeksioni në Kroaci dhe Bosnje Hercegovinë

Bosnje Hercegovina ka raportuar se gjatë 24 orëve të fundit janë identifikuar 243 raste të reja infeksioni dhe kanë humbur jetën nga Covid 4 persona.

Sipas të dhënave të autoriteteve të shëndetësisë, totali i të prekurve nga koronavirusi që prej fillimit të pandemisë është 19793 kurse numri i përgjithshëm i vdekjeve ka shkuar në 598.

 Kroacia ka raportuar se në 24 orët e fundit janë identifikuar me Covid 262 persona si dhe ka patur 1 vdekje nga infeksioni.

Sipas autoriteteve, totali i të identifikuave të prekur nga koronavirusi është 10 123 kurse numri i pergjithshëm i viktimave ka shkuar në 184 dhe mbi 7200 të shëruar

Kroacia renditet e fundit sa i përket numrit të testimeve të koronavirusit në Evropë.

Fill pas Kroacisë vjen Hungaria me 41.948 teste për një milion banorë dhe Sllovakia me 59.263 testime.

Kroacia është vendi i parë në rajon që ka rivendosur disa prej masave kufizuese rajonin e Split-Dalmacisë ku është bërë e detyrueshme mbajtja e maskave në të gjitha ambientet e mbyllura me më shumë se tre persona. Dasmat dhe funeralet gjithashtu janë kufizuar në 50 vetë, festimet familjare në 20, ndërsa vizitat në azilet e të moshuarve janë pezullohen. Gjithashtu palestrat dhe qendrat sportive janë mbyllur. 

TAG:
• Kroaci
• Bosnje Hercegovina
• covid
• Pandemia në Ballkan