TIRANË- Mbi 22 milionë pagesa në vitin e kaluar janë bërë në rrugë elektronike, të nxitura edhe nga pandemia COVID-19. Në raportin vjetor të depozituar në Kuvend, Banka e Shqipërisë thotë se në vitin e pandemisë pagesat nëpërmjet rrugëve elektronike janë rritur me 18.5%, krahasuar me vitin 2019. Ndikim në rritjen e pagesave elektronike ka dhënë pandemia COVID-19, e cila kufizoi lëvizjet e qytetarëve, dhe e vetmja mundësi që ata kishin ishte të përshtateshin me teknologjinë.
“Viti 2020 u karakterizua nga një tendencë në rritje e përdorimit të instrumenteve elektronike të pagesave krahasuar me një vit më parë. Raportimet e bankave për instrumente të pagesave tregojnë se deri në fund të vitit, ka pasur një rritje të vazhdueshme të pagesave të iniciuara nga klientët me kartë dhe pagesave me para elektronike, e njëkohësisht edhe të pagesave home banking. Numri i pagesave me instrumente është rritur me 18.5%, duke kapur nivelin e rreth 22.06 milionë pagesa në total, ndërkohë që vlera në total e pagesave ka pësuar një rënie të lehtë prej 2.9%”, thuhet në raportin e Bankës qendrore.
Kartat vijojnë të mbeten instrumenti kryesor i pagesave, por sipas raportit në tregun shqiptar po futet edhe përdorimi i parasë elektronike, e cila po përdoret kryesisht nga qytetarët dhe jo nga bizneset.
“Analiza sipas instrumenteve të pagesave të përdorur tregon për një zgjerim të vazhdueshëm të pagesave elektronike. Pagesat me karta zënë vendin kryesor të instrumenteve të pagesave, përkatësisht me 50.1% në numër, duke tejkaluar kështu për herë të parë transfertat e kreditit në formë letër. Kjo rritje i dedikohet edhe kufizimeve në lëvizje gjatë pandemisë. Pagesat me para elektronike, si një instrument pagese relativisht i ri, po përdoret ekskluzivisht nga individët dhe jo nga bizneset. Ndërkohë, i njëjti trend vihet re edhe tek pagesat me karta, të cilat vazhdojnë të përdoren më shumë nga individët sesa nga bizneset (në një raport përdorimi 97.2% individë, përkundrejt 2.8% biznese). Nga ana tjetër, bizneset vazhdojnë të reflektojnë një përdorim më tradicional të bankingut (transfertë krediti në formë letër, jo letër, çeqet etj.) krahasuar me individët”, vijon më tej raporti i bankës.
Gjatë vitit të kaluar sektori bankar u përfshi nga një fushatë e gjerë sensibilizimi për të rritur sa më shumë përdorimin e kartave dhe për të shmangur cash-in në ekonomi. Nga ana tjetër banka e Shqipërisë po punon për sistemin kombëtarë të pagesave për të lehtësuar sa më shumë pagesat elektronike.
Lajme të tjera
-
Transfertat kombëtare në euro u rritën me 33% për 10-mujorin e këtij viti
22 Nëntor, 14:54 -
Shqipëria në SEPA/ Ambasadori Gonzato takim me Sejkon: Moment historik, qytetarët dhe bizneset më afër tregut unik të BE
22 Nëntor, 11:21 -
Shqipëria anëtare e SEPA-s, Sejko: Kostoja e pagesave ndërkufitare në euro, 5 herë më e ulët! Kursimi në ekonomi 20 mln euro në vitin e parë
21 Nëntor, 17:50 -
Shqipëria pranohet zyrtarisht në SEPA
21 Nëntor, 16:38 -
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Vrojtimi i Bankës së Shqipërisë/ 37% e bizneseve kanë një borxh për të shlyer! Të vegjlit marrin hua për shpenzime të papritura, të mëdhenjt 'zhyten' për investime
19 Nëntor, 22:34
-
Këshilli Europian i Pagesave shqyrton aplikimin e Shqipërisë në SEPA
16 Nëntor, 12:09 -
Zhvlerësimi i euros, BSH: Po bëjmë analiza për të ndërhyrë për të ndaluar rënien e shpejtë
15 Nëntor, 11:10 -
Banka e Shqipërisë kërkon rishikim të skemës së pensioneve, rrezik për financat publike! Zv/ Guvernatorja ep opinionin për pr/buxhetin 2025 tek 'Ekonomia'
15 Nëntor, 10:04 -
Vrojtimi i Bankës së Shqipërisë: 24% e familjeve shqiptare jetojnë me borxhe! Pjesa më e madhe për konsum e shëndetësi, 20% blejnë ‘ushqime me listë’
14 Nëntor, 18:48
-
Dollari fiton terren përballë lekut, rritet me 3% brenda këtij muaji! Euro vijon të zhvlerësohet pa ndalur
14 Nëntor, 14:21 -
Norma bazë e interesit u ul, BSH: Kreditë do jenë më të lira
12 Nëntor, 17:14
