Panik në Vlorë, i riu plagoset me thikë pranë Lungomares, arrestohet autori

Vlore- Mbrëmjen e djeshme rreth orës 23:00 në zonën e Lungomares një i ri ka mbetur i plagosur me thikë, ndërsa sot policia e Vlorës njofton se ka mundur të kapë autorin. Mësohet se dy të rinj, janë konfliktuar fillimisht me fjalë me njëri-tjetrin, e më pas 17-vjeçari i arrestuar nga policia ka qëlluar me thikë mikun e tij.

Njoftimi i policisë Vlorë

LEXO EDHE:
Gjipe/ Po ndërtonin 4 beach bar-e pa leje, arrestohet një person, në kërkim 3 të tjerë

Vlorë

Kapet autori i plagosjes së ndodhur mbrëmjen e kaluar.

Arrestohet shtetasi E.P, 17 vjeç, banues në Vlorë.

Më datë 22.08.2018, rreth orës 23:00, në zonën e lungomares ka ndodhur një konflikt ku për pasojë është plagosur me mjet prerës një shtetas.

Shërbimet e policisë shkuan në vendin e ngjarjes ku konstatuan se në lagjen "Pavarësia", shtetasi E.P, ka goditur me mjet prerës "thikë" shtetasin R.S., 21 vjeç, banues nė fshatin Babicë e Madhe Vlorë, i cili ndodhet në Spitalin Rajonal Vlorë duke marrë ndihmë mjekësore, jashtë rrezikut për jetën.

Nga veprimet e mirëorganizuara dhe të shpejta policore, u bë e mundur identifikimi dhe kapja në kohë e autorit në qytetin e Vlorës.

Dyshohet se konflikti ka ndodhur për motive të dobëta.

 

TAG:
• Vlore
• plagosje me thike
• Lungomare

Sondazhi i ditës:

A ka politika frikë nga SPAK-u?

• Po

  68.6%

• Jo

  26.5%

• Nuk e di

  4.9%

Vota total: 3905

• Sondazhi i ditës:

  A ka politika frikë nga SPAK-u?

  Po Jo Nuk e di