Panucci merr në kombëtare
ish-sulmuesin e Liverpool

Një tjetër yll i bashkohet Shqipërisë. Mesfushori i AEK i lindur në Prishtinë dhe i rritur në Skandanivi i ka thënë po trajnerit Christian Panucci dhe tani është gati të bashkohet me skuadrën kuqezi. 

Në një intervistë për Supersport mesfushori shtatlartë ka pohuar se është një ëndërr që realizohet për Astrit Ajdareviçin. “Vendosa të zgjedh Shqipërinë, u mendova gjatë. Kam zgjedh vërtetë me zemër, sepse unë më parë kam luajtur edhe me Suedinë deri në 21 vjeç. Kam folur dy muaj me parë me drejtuesit e Shqipërisë. Nuk ishte vendim i lehtë, por tani e kam vendosur dhe do jem pjesë e Shqipërisë. Nuk kam ardhur më parë në Shqipëri, por mezi po pres. Kudo që kam qenë kam thënë jam shqiptar dhe tani do të vazhdoj të jem zyrtarisht”, ka deklaruar Astrit Ajdarovic për supersport.

Mesfushori luan aktualisht në Athinë me AEK, ndërkohë që më parë është aktivizuar me Liverpool, Leicester City dhe Standard Liege. Ajdaroviç do të bashkohet me kuqezinjtë që në miqësoren me Turqinë./supersport/

Redaksia Online
l.q/Shqiptarja.com