“T'i pranojmë homoseksualët dhe tranvestitët. Kështu do të vepronte edhe Jezu Krishti” është kjo deklarata që dha  Papa Francesku gjatë një bashkëbisedimi me gazetarët të cilët  e shoqëruan gjatë vizitës së tij tre ditore në Gjeorgji dhe Azerbajxhan. Ati i Shenjtë  iu përgjigj pyetjeve të gazetarëve rreth deklaratave të tij të mëparshme sa i përket teorisë gjinore, divorcit, udhëtimeve dhe pse jo dhe fushatës presidenciale në SHBA.

“Teoria gjinore është një koncept, ku një person mund të jetë biologjikisht mashkull apo femër, por ata kanë të drejtë të identifikojnë veten e tyre si meshkuj, femra, të dyja bashkë apo asnjërën. Gjatë jetës time kam takuar shumë persona me orientim homoseksula  dhe i kam afruar me Zotin nuk i kam braktisur. Ata duhen mbështetur sic bënte Jezu Krishti ,  u shpreh Ati i Shenjtë .

“Është dicka tjetër që një person ka tendenca të caktuara ose nëse ndryshon gjini. Dhe është dicka tjetër të mësosh në shkollë për të ndryshuar mentalitet. Këtë e quaj pushtim ideologjik."
 
Kreu i Kishës Katoltike u pyet edhe për dekaratat e tij  sa i përket martesës dhe divorcit ku edhe një herë mbrojti idene e tij  se nëse një cift ka probleme atëherë ato duhen zgjidhur me mirëkuptim dhe mëshirë.

Në bashkëbisedimin rreth 50 minuta  me gazetarët At ii Shenjtë foli edhe për planet e tij dhe udhëtimet të cilat janë parashikuar në  Portugali, Indi, Bangladesh  dhe Kolumbi vetëm në kohën kur të përfundohet marrëveshja mes qeverisë dhe FARC, të cilës populli në referendum i tha jo .  Edhe një herë  Papa Francesk u shpreh se po shkon në vende ku ka pak katolikë  pasi në periferi shihet më mirë se në qendër.

“Udhëtimin tim të parë në Europë e nisa në Shqipëri dhe nuk është një vend katolik, më pas shkova në Bosnje Hercegovinë, më pas në Greqi shkova mes katolikëve.  Kam shkuar ne vende me besime të ndryshme fetare. Por përse shkoj atje? Shkoj për katolikët edhe për ata pak që janë  sepse nga periferia  shihet më mirë sesa në qendër."

Së fundmi Ati i Shenjtë u pyet edhe për zgjedhjet presidenciale në Amerikë por ai u përgjigj me shumë diplomaci dhuke thënë se është populli sovran ai që vendos por duhet  menduar mirë opsionet.


Redaksia online
(E.M/Shqiptarja.com)