Papa mban meshën e parë në Vatikan pas operacionit: Thirrje për të ndalur dhunën

Papa Françesku ka bërë paraqitjen e tij të parë publike, pasi iu nënshtrua në operacioni në spital. Nga Sheshi Shën Pjetër, ai u bëri thirrje njerëzve që të bëjnë pushime dhe të largohen nga streset e jetës moderne.

“Le të ndalojmë vrapimin e furishëm të diktuar nga axhendat tona. Le të mësojmë se si të bëjmë një pushim, të fikim celularin”, tha ai.

Po ashtu Ati i Shenjtë, bëri thirrje që t’i jepen fund trazirave në Afrikën e Jugut si dhe apeloi për paqe dhe dialog në Kubë pas protestave që tronditën vendin e drejtuar nga komunistët.

“Jam edhe pranë popullit kuban në këto çaste të vështira, posaçërisht pranë familjeve, që vuajnë më shumë. I lutem Zotit t’i ndihmojë për të ndërtuar në paqe, dialog e solidaritet, një shoqëri gjithnjë më të drejtë e më vëllzërore”.’-tha Papa.

Fjalët e Papës u duartrokitën nxehtësisht nga një grup besimtarësh kubanë, të pranishëm në Sheshin e Shën Pjetrit, me flamujtë e vendit të tyre.  Papa 84-vjeçar iu nënshtrua një operacioni në zorrën e trashë në datën 4 Korrik, hera e parë që ai është përballur me një shqetësim shëndetësor gjatë papatit të tij tetëvjeçar.

M.Q./Shqiptarja.com

TAG:
• Vatikan
• papa Francesku