Para zgjedhjeve, Polonia zhvillon paradën më të madhe ushtarake në dekada

Parada më e madhe ushtarake e Polonisë që nga Lufta e Ftohtë u zhvillua në Varshavë të martën.

Në kryeqytetin e Varshavës marshojnë 2000 ushtarë nga Polonia dhe vende të tjera të NATO-s, së bashku me 200 pjesë pajisje ushtarake dhe 92 avionë, raporton Reuters.

Helikopterët e tipit Black Hawks dhe avionët e tipit F-16 dhe FA-50 bënë një fluturim sipër paradës. Ministri i Mbrojtjes Mariusz Blaszczak tha se 15 gushti nuk është vetëm një mundësi për t'u bërë homazhe heronjve të Betejës fitimtare të Varshavës, por për të treguar se ata kanë ndërtuar forca të armatosura të fuqishme të cilat do të mbrojnë në mënyrë efektive kufijtë e tyre.

LEXO EDHE:
Bazë e re ushtarake e SHBA-së në Poloni! Sistemi i ri për mbrojtjen nga raketat përforcon krahun lindor të NATO-s

"15 gushti nuk është vetëm një mundësi për t'u bërë homazhe heronjve të Betejës fitimtare të Varshavës dhe për të falënderuar ushtarët bashkëkohorë për mbrojtjen e atdheut tone. Është gjithashtu një ditë e përkryer për të treguar se kemi ndërtuar forca të armatosura të fuqishme që do të mbrojnë në mënyrë efektive kufijtë tanë pa hezitim”, u tha Ministri i Mbrojtjes Mariusz Blaszczak trupave dhe shikuesve që ishin mbledhur pranë lumit Vistula.

Pajisjet e tjera të ekspozuara përfshinin tanke M1A1 Abrams të blera nga Shtetet e Bashkuara, tanke të Koresë së Jugut K2 dhe aviatorë vetëlëvizës K9, si dhe raketahedhës HIMARS, sisteme të mbrojtjes ajrore Patriot dhe automjete luftarake Borsuk të prodhimit polak.

TAG:
• poloni

Sondazhi i ditës:

Si ka qene per ju viti 2024?

• I mire

  43.7%

• I keq

  22.6%

• As i mire as i keq

  33.7%

Vota total: 1534

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq