POP 5

Lajmet më të lexuara të 5 minutave të fundit

Ekonomi

Paraja cash mbi 4 mld euro konkurron edhe sektorin bankar, eksperti: E përqendruar në disa duar, përdoret dhe për fajde! Evazion dhe pastrim parash

Volumi i parave jashtë bankave është rritur me afro 97 milionë euro krahasuar me vjet referuar shifrave të Bankës së Shqipërisë. Ekspertët thonë se shkak kryesor është informaliteti e pastrimi i parave. Sipas tyre paralelisht me bankat bizneset po përdorin paranë cash për fajde.

 

‘Ujë i tepërt’ që ekonomia nuk e përthith dot. Ky është përshkrimi që ekspertët e ekonomisë i bëjnë fluksit të parave që qarkullojnë jashtë vendit.

“Qarkullimi jashtë bankave tregon ujin e tepërt të asaj që ekonomia nuk e përthith dot, por tregon që pak përpjekje janë bërë për të ulur paranë cash”, shprehet eksperti i ekonomisë Eduart Gjokutaj.

Shifrat zyrtare tregojnë se jashtë bankave deri në fund të muajit korrik qarkullonin mbi 4 miliardë euro (402.6 miliardë lekë), duke u rritur me afro 97 milionë euro krahasuar me korrikun e 2023-shit.

“Ka të bëjë me pjesën e informalitetit që mbizotëron në ekonomi, dhe e gjithë kjo nuk e lë paranë të futet në ato kanale që do e bënin ekonominë më të shëndetshme dhe do të kishim një model tjetër jo vetëm të të bërit biznes por edhe të asaj që quhet rritje të parave në duart e qytetarëve”, thotë Gjokutaj.

Përtej informalitetit e rrezikut të pastrimit të parave që vjen nga volumi i lartë i parasë fizike, eksperti Eduart Gjokutaj thotë se po konkurrohen edhe bankat, pasi milionat jashtë bankave po përdoren për biznesin e ‘fajdeve’.

“Është rritur shumë edhe paraja informale që sfidojnë edhe bankën duke u aktivizuar ato që quhen dhënie parash me fajde. Paratë në vetvete nuk janë më në duart e konsumatorëve por në mënyrë masive janë grumbulluar në pak duart dhe këtë e ka bërë më së shumti tregu i ndërtimeve, që kërkon volum parash në pak duar, por qoftë edhe me luftën se si po operohet ndaj parasë informale, ku përpjekjet e BSH dhe ministrisë së financave janë të dështuara, dhe ka dalje jashtë kontrolli”, pohon Gjokutaj.

Një sërë masash janë marrë nga institucionet për uljen e cash-it në ekonomi, që nga fiskalizimi, kufizimi i parasë që mund të mbajnë në arkë bizneset prej 150 mijë lekësh, fuqizimi i shërbimeve elektronike e deri tek hapja e llogarive bazike për pensionistët, por ende pa rezultat të dukshëm në reduktimin e parasë jashtë bankave.

PARAJA JASHTË BANKAVE
Korrik 2023     392,896 mln lekë
Korrik 2024     402,631 mln lekë
Diferenca          +9,735 mln lekë
 

K.T./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • BUMERANG: 02/09/2024 23:33

    Më mirë jashtë sistemit bankar! Bankat ngarkojnë 20 euro komision për 80 euro transfertë jashtë vendit! Shqiptarët nuk janë budallenj! Duhet të shohim më shumë qarkullim joformal të parasë për të “suluar” fitimin e lartë të bankave tregtare! Institucionet nuk duhet të flasin në ajër, duhet të shikojnë problemin dhe të krijojnë alternativë fillimisht.

    Përgjigju
  • Turismus: 02/09/2024 20:51

    Turismos varikarius elitarius ka sjelle mirqenie per shqiperine...

    Përgjigju
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

9 Janar, 22:49