Paralajmëron përshkallëzim! Udhëheqësi suprem i Iranit akuzon Izraelin për spastrim etnik në Gaza: Po na humbet durimi

Udhëheqësi suprem i Iranit, Ali Khamenei, ka thënë sot nëse "mizoritë" kundër Gazës vazhdojnë, muslimanët dhe forcat e rezistencës mund të humbasin durimin dhe askush nuk do të ishte në gjendje t'i parandalonte veprimet e tyre.

"Bota po dëshmon spastrimin etnik të kryer nga regjimi sionist", tha Khamenei gjatë një fjalimi në Teheran, raporton CNN. 

LEXO EDHE:
Protestat pro-palestineze në SHBA, studentët largohen nga kampusi i Universitetit të Kalifornisë Jugore

Izraeli ka pohuar se po bën përpjekje për të minimizuar viktimat civile duke paralajmëruar civilët të largohen nga pjesa veriore e Gazës, por numri i përgjithshëm i vdekjeve të raportuara nga ministria palestineze e shëndetësisë është afër 3 mijë.

SHBA dhe Izraeli thonë se Irani është mbështetësi kryesor i Hamasit, i cili nisi një sulm të paprecedentë në Izrael më 7 tetor që la 1400 të vdekur, edhe pse nuk ka prova konkrete për këto dyshime. Irani ka mohuar çdo përfshirje në nisjen e sulmeve të Hamasit.  Presidenti i SHBA Joe Biden e ka paralajmëruar Iranin që të jetë i kujdesshëm me veprimet e tij në rajon, ndërsa presidenti francez Emmanuel Macron dhe kancelari gjerman Olaf Scholz kanë paralajmëruar të dy Teheranin kundër ndërhyrjes dhe përshkallëzimit të luftës Izrael-Hamas.

Lajmi kryesor:

Lufta/ Masakër në Rripin e Gazës, bombardohet spitali! Shëndetësia palestineze: Të paktën 500 të vdekur! Izraeli e Hamasi akuzojnë njëri-tjetrin për sulmin

S.S/Shqiptarja.com

TAG:
• Ali Khamenei
• sulmohet izraeli