Parandalimi i trafikut të drogës, Gledis Nano takim me Drejtorin e Përgjithshëm të Doganave: Rezultate surprizuese, forcojmë bashkëpunimin

Parandalimi i trafikut të drogës, Gledis Nano takim me Drejtorin e Përgjithshëm të Doganave: Rezultate surprizuese, forcojmë bashkëpunimin

Gledis Nano takim me Genti Gazhelin

Drejtori i Përgjithshëm i Policisë së Shtetit Gledis Nano zhvilloi një takim prezantues dhe bashkëpunimi me Drejtorin e Përgjithshëm të Doganave Genti Gazheli.

Gjatë takimit, Nano dhe Gazheli vlerësuan marrëdhëniet e bashkëpunimit mjaft të mira mes dy institucioneve, marrëdhënie të jetëzuara më së miri në Portin e Durrësit, ku funksionimi perfekt  i Task Forcës permanente në këtë port ka dhënë rezultate surprizuese në drejtim të parandalimit të trafikimit të drogave të forta, si në hyrje dhe në dalje.

Drejtori i Përgjithshëm i Policisë së Shtetit Gledis Nano tha: Policia e Shtetit është e angazhuar për të bashkëpunuar me të gjitha institucionet dhe agjencitë ligjzbatuese, me qëllim parandalimin dhe goditjen e paligjshmërisë në cilëndo fushë që ajo shfaqet. Jemi të fokusuar për të parandaluar e goditur krimet ndërkufitare dhe trafiqet e paligjshme dhe në këtë aspekt bashkëpunimi me autoritetet doganore është shumë i rëndësishëm.

Drejtori i Përgjithshëm i Doganave, Gazheli: Modeli i bashkëpunimit dhe funksionimit të Task Forcës në Portin e Durrësit është pikë reference për ta orientuar bashkëpunimin drejt këtij modeli në çdo pikë të kalimit kufitar. Strukturat doganore janë të predispozuara për të mbështetur strukturat policore dhe hetimore në parandalimin, hetimin dhe goditjen e veprimtarisë kriminale që tentohet të kryhet nëpërmjet pikave doganore. 

Në fund të takimit, drejtorët Nano dhe Gazheli konfirmuan angazhimin personal të tyre për të forcuar më tej bashkëpunimin ndërmjet Policisë së Shtetit dhe Drejtorisë së Doganave.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

2 ‘kryetarë’ në burg, Këshilli Bashkiak i Himarës komandon Blerina Balajn si kryebashkiake

2 ‘kryetarë’ në burg, Këshilli Bashkiak i Himarës komandon Blerina Balajn si kryebashkiake