Pas një bumi ndërtimesh që ka përfshirë vendin, Banka e Shqipërisë raporton se kërkesat për të blerë nga qytetarët u ulën në muajin shtator, por nga ana tjetër çmimet kanë vijuar tendencën rritëse.
Shkakun e rritjes së çmimit në shtator dhe tetor vlerësuesi i pasurive të paluajtshme e shikon tek rikthimi i studentëve.
“Tani në sezonin e studentëve çmimet rriten goxha, ndoshta edhe në mënyrë fiktive, duke qenë se ka shumë kërkesë. Rritja e çmimeve ka nisur që në shtator, rritja e qirave mund të jetë deri në 20% krahasuar me vitin e kaluar”, pohon vlerësuesi i pasurive të paluajtshme Ervin Demirxhiu.
Ndërsa sipërmarrësi i sektorit të ndërtimit Zef Shtjefni, përpos rritjes së taksave, rritjes së kostove të ndërtimit, shtrenjtimit të materialeve të ndërtimit apo të trojeve thotë se ka ndërtues që nuk kanë prioritet shitjet e apartamenteve ndaj kërkon verifikim për burimin e të ardhurave.
“Në Shqipëri ndodhemi edhe në një fenomen të tillë, ku shumë biznese kanë akumuluar para nga drejtime të ndryshme, dhe ata ndërtojnë dhe nuk kanë interes të shesin dhe i mbajnë aty derisa të rriten akoma çmimet, sepse nuk ekziston mundësia tjetër që një biznes që e qarkullon atë para në pallatin që ndërton pasi nëse nuk ka blerës nuk ka shanse që ta mbaj gjatë kështu që do të uli çmimin dhe do të shesë në mënyrë që të ndërtojë pallatin tjetër. Nuk besoj se Shqipëria është aq e pasur sa të ketë luksin e madh që të mbajë me lagje të tëra pa shitur. Këtu ka lidhet me ligjshmërinë ka lidhje me pagesën e taksave, pagesat si çdo biznes dhe të verifikoj burimin e të ardhurave. Ku i more paratë është pyetja e parë që duhet të bëhet”, pohon sipërmarrësi Zef Shtjefni.
Të gjithë në të njëjtin mendim ekspertët e ekonomisë, thonë se shkak për këtë shtrenjtim të çmimeve të apartamenteve jo në përputhje me jetesën, është investimi i parave të pista në ndërtim.
“Nuk shpjegohet kurrsesi se si hyrjet e ndërtuara 10 apo 20 viteve kanë pasur një rritje të ndjeshme të çmimeve. Kjo tregon që sektori i ndërtimit ka diçka që nuk shpjegohet ekonomikisht, ose ka diçka që shpjegohet me faktorët e jashtëm, për paratë që vijnë nga jashtë jo nëpërmjet parave bankare si dhe me paratë kriminale. Kemi ndërtime pafund rreth e rrotull dhe këto nuk po shiten, kjo të çon të mendosh që ndërtuesit nuk ndërtojnë se e shikojnë si një mundësi për të gjeneruar para në mënyrë të menjëhershme, por ndërtojnë sepse kanë likuiditet shumë të madh dhe e shohin si një mundësi për të ardhmen”, thotë eksperti i ekonomisë Klodian Muço.
“Është përfolur gjithmonë për përdorimin e tij për pastrimin e parave, kështu që pavarësisht se kemi pasur rritje të ndërtimeve apo të kullave, ato kanë mbetur stok”, shprehet eksperti i Ekonomisë Vjoldi Danaj.
“Zë një peshë shumë të rëndësishme sidomos në sektorin e ndërtimit dhe në pasuritë e patundshme, efektet e së cilës po duken si në mbiçmimin e monedhës kombëtare, ashtu edhe në deformimin e çmimeve”, pohon eksperti i ekonomisë Zef Preçi.
Rreziku për pastrim parash në vendin tonë është rritur në vitin 2021 sipas Indeksit të Bazelit ku Shqipëria nga vendi i 44 që ishte në vitin e kaluar tashmë renditet e 72-ta për këtë fenomen negativ.
Lajme të tjera
-
Rritet lehtë edhe inflacioni bazë, në nëntor arriti në 2.34%
24 Dhjetor, 14:28 -
Transfertat në SEPA, data më e afërt për bankat shqiptare është 5 tetori 2025
20 Dhjetor, 10:58 -
BSH mbyll 2024 me normën bazë interesi 2.75%! Sejko: Kemi blerë euro për të stabilizuar kursin e këmbimit! Ka rritje punësimi
18 Dhjetor, 16:42
-
BSH, 3 çmimet për diplomat më të mira ekonomike! Sejko: Rënia e inflacionit uli kostot për familjet e bizneset
16 Dhjetor, 17:28
-
Afro 20% e shqiptarëve në rrezik varfërie, kanë të ardhura ditore deri në 751 lekë! Gjendja do rëndohej nëse s’do ishin pensionet e skemat sociale
13 Dhjetor, 20:29
-
Më shumë emigrantë dhe familje më në vështirësi në Shqipëri, në 9 muaj 772 mln € erdhën si remitanca
12 Dhjetor, 17:02
-
Shqipëria 1.1 mld € investime të huaja në 9 muaj, preferohen pasuritë e paluajtshme! 56 mln € më shumë krahasuar me 2023
12 Dhjetor, 16:02
-
Shqipëria rekord të ardhurash prej 3.9 mld euro nga turizmi, për 9 muaj fitoi 640 mln € më shumë se në 2023
11 Dhjetor, 16:07
-
FMN apel Bankës Qendrore: Kujdes me kreditimin e pasurive të paluajtshme! Eksperti: Krizat më të mëdha nisin nga ‘flluskat’ në këtë sektor
7 Dhjetor, 16:19
-
Miliona euro përfitime nga anëtarësimi në SEPA, Sejko thirrje bankave: Plotësoni kushtet që të bëheni pjesë e sistemit evropian, investoni në inovacion
5 Dhjetor, 14:22
-
Zbulohet shtëpi bari në Vaun e Dejës, sekuestrohet 140 kg kanabis! Në pranga pronari, djali i tij dhe 2 nipat (VIDEO)
4 Dhjetor, 11:10 -
Vrojtimi i BSH/ Ndërtimi optimist, rritet kërkesa për prona! Turizmi ‘pesimist’, ndikoi rënia e ‘bumit’ të sezonit veror! Besimi në ekonomi u ul me 0,4% në Nëntor
2 Dhjetor, 17:25
