POP 5

Lajmet më të lexuara të 5 minutave të fundit

Sport

Paris 2024/ Koreja e Jugut u prezantua gabimisht si Koreja e Veriut, Seuli: Gafë e turpshme

Një incident ka ndodhur në hapjen e Lojërave Olimpike mbrëmjen e djeshme, ku atletët e Koresë së Jugut u prezantuan gabimisht si të Koresë së Veriut në ceremoninë e hapjes në Paris.

Paris 2024/ Koreja e Jugut u prezantua gabimisht si Koreja e Veriut, Seuli: Gafë e turpshme

Parakalimi i delegacionit të Koresë së Jugut

PARIS - Një incident ka ndodhur në hapjen e Lojërave Olimpike mbrëmjen e djeshme, ku atletët e Koresë së Jugut u prezantuan gabimisht si të Koresë së Veriut në ceremoninë e hapjes në Paris.

Ndërsa skuadra e emocionuar lundronte poshtë lumit Sena, si spikerët francezë ashtu edhe ata anglezë i prezantuan ata si “Republika Popullore Demokratike e Koresë”, emri zyrtar i Koresë së Veriut. Organizatorët olimpikë kanë reaguar menjëherë duke kërkuar thellësisht ndjesë për gabimin.

Dy Koretë janë ndarë që nga fundi i Luftës së Dytë Botërore, me tensionet mes shteteve që janë përshkallëzuar më tej kohët e fundit. Ministria e Sportit të Koresë së Jugut tha se planifikonte të paraqiste një “ankesë të fortë ndaj Francës në nivel qeveritar” për këtë gafë të turpshme.

Në një deklaratë, ministria shprehu “keqardhjen për njoftimin … ku delegacioni i Koresë së Jugut u prezantua si ekipi i Koresë së Veriut”. Deklarata shtoi se zëvendësministri i dytë i sportit, Jang Mi-ran, një kampion olimpik i vitit 2008 në peshëngritje, kishte kërkuar një takim me presidentin e Komitetit Olimpik, Thomas Bach.

Komiteti Olimpik Ndërkombëtar (IOC) kërkoi falje në llogarinë e tij zyrtare në gjuhën koreane në “X” , duke thënë: “Dëshirojmë të kërkojmë ndjesë të thellë për gabimin që ndodhi në prezantimin e delegacionit të Koresë së Jugut gjatë ceremonisë së hapjes”.

Koreja e Jugut, e njohur zyrtarisht si Republika e Koresë, ka 143 atletë në ekipin e saj olimpik këtë vit, duke konkurruar në 21 disiplina sportive. Koreja e Veriut ka dërguar 16 atletë. Kjo është hera e parë që ajo konkurron në Lojërat Olimpike që nga 'Rio 2016'.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Makiwa 71: 27/07/2024 11:54

    Francezet jane megalomane, keshtu Kan ba edhe me ne kur Kan vu gabime hymnin e nje shteti tjeter dhe Jo ate shqiperise.

    Përgjigju
  • Sondazhi i ditës:

    Sa përcaktuese do jetë vota e emigrantëve në zgjedhjet e 2025-ës?

Lajme të tjera



×

Lajmi i fundit

Sekretari Blinken kritikon Kinën gjatë takimit të Azisë Juglindore

Sekretari Blinken kritikon Kinën gjatë takimit të Azisë Juglindore

27 Korrik, 18:04