Policia Rrugore në Durrës ka ndërmarrë një aksion për ndëshkimin e shkelësve në rrugë. Gjatë kontrollit në rrugët e qytetit janë konstatuar automjete të cilat parkojnë mbi trotuare dhe stacionet e urbanëve. Si rezultat, janë vendosur 40 gjoba, ndërsa 30 automjeteve u është vendosur bllokues në goma. 

Policia duke vënë bllokues në goma automjetit të parkuar në kryqëzim

 

Njoftimi i policisë:
Qarkullimi rrugor Durrës, në bashkëpunimm me Policinë Bashkiake Durrës, kanë ndërmarrë aksion për mjetet që parkojnë në kundërshtim me sinjalistikën Rrugore në qytetin e Durrësit, në trotuar, në stacione autobusi. Si rezultat i bashkëpunimit u morën nga qarkullimi rrugor 40 masa administrative, dhe nga Policia Bashkiake u bllokuan me bllokues 30 mjete dhe u mor masa ndaj këtyre mjeteve. Ky bashkëpunim dhe aksion do vazhdojë me Policinë Bashkiake dhe në ditët në vijim. Sensibilizoj të gjithë qytetarët e qytetit të Durrësit që të zbatojnë rregullat e qarkullimit rrugor.