POP 5

Lajmet më të lexuara të 5 minutave të fundit

Tirana

Parkut të Liqenit i shtohen edhe 100 pemë, Veliaj: Pemët, ‘pajë’ për gjeneratën tjetër

Nga një ferrishte që shërbente për grumbullimin e mbetjeve, hapësira jugore e Liqenit Artificial të Tiranës është pyllëzuar e gjelbëruar për t’iu bashkuar Parkut të Madh.
Parkut të Liqenit i shtohen edhe 100 pemë, Veliaj: Pemët, ‘pajë’ për gjeneratën tjetër

Kryebashkiaku, Erion Veliaj me përfaqësuesit e FAF

Nga një ferrishte që shërbente për grumbullimin e mbetjeve, hapësira jugore e Liqenit Artificial të Tiranës është pyllëzuar e gjelbëruar për t’iu bashkuar Parkut të Madh. Shumë shpejt kjo zonë do të aksesohet edhe nga qytetarët e apasionuar pas vrapit dhe pedalimit.

Kreu i Bashkisë së Tiranës, Erion Veliaj mori pjesë në mbjelljen e 100 pemëve të tjera në këtë zonë të dhuruara nga FAF, shoqëria e parë financiare e zhvillimit në Shqipëri, ndërsa vlerësoi faktin se sot të gjitha institucionet, individët dhe bizneset kanë rritur përgjegjësinë e tyre sociale, duke kontribuuar për qytetin. Veliaj tha se kjo zonë është pastruar nga të gjitha ndërtimet pa leje, është sistemuar dhe tashmë me gjelbërimin dhe korsitë e reja për vrapuesit dhe biçikletat krijon mundësinë që Parku të shfrytëzohet nga të gjithë.

Jemi duke qëndisur gjysmën jugore të liqenit të Tiranës. E kemi pastruar nga zaptimet dhe pengesat që kanë ndërprerë zhvillimin e kësaj hapësire. Për të gjithë qytetarët që kalojnë në këtë investim të ri, që është ende kantier, është e pabesueshme se sa i madh qenka realisht Liqeni dhe besoj se është detyrim i gjeneratës sonë të lerë një ‘pajë’ për gjeneratën tjetër.

Kryebashkiaku, Erion Veliaj

Kryebashkiaku shtoi se krahas punës që po bëhet për të zgjeruar dhe rigjallëruar jetën në Parkun e Madh, Bashkia e Tiranës po punon për krijimin edhe të Parkut të Liqenit të Farkës, ku krahas mbjelljeve po investohet edhe në infrastrukturë.

Me pemët që FAF-i ka dhuruar sot, po vijojmë “qëndismën” duke filluar nga diga deri tek ekstremi tjetër i liqenit. Besoj se kjo do të jetë vera e parë ku qytetarët do e shijojnë në tërësinë e vet liqenin e Tiranës. Ndërkohë, po përgatisim parkun e dytë, atë të Liqenit të Farkës, për të pasur edhe një tjetër hapësirë argëtimi e çlodhjeje për qytetarët.

Kryebashkiaku, Erion Veliaj

Ai u bëri thirrje qytetarëve që të shfrytëzojnë kohën e mbetur për të mbjellë pemën e tyre dhe për të kontribuuar për gjelbërimin e qytetit.

Deri në datën 22 prill, në Ditën e Tokës, kemi mundësi të mbjellim pemë, më pas do vijojmë me aktivitete sportive dhe besoj që një Tiranë që është më e fokusuar tek puna, se sa tek dhuna, më e fokusuar tek gjërat konkrete se sa tek gjithologët, është Tirana që meriton çdo banor që ka zgjedhur ta jetojë jetën e vet në kryeqytet.

Kryebashkiaku, Erion Veliaj

Administratori i FAF-it, Emin Barçi, vlerësoi nismën e mbjelljes së pemëve.

FAF ka 12 vjet që financon biznesin e gjelbër dhe pas 12 vitesh vendosi që të financojë edhe për një mjedis të gjelbër për qytetarët e Tiranës. Shpresojmë që kryetari të na e kthejë qytetin tonë në një ndër qytetet më të gjelbëruara të paktën në Evropë sepse e meritojmë.

Administratori, Emin Barçi

( Erion Veliaj dhe Shoqëria e parë financiare e zhvillimit në Shqipëri, duke mbjellë pemë tek Liqeni )

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kolloqifte: 11/04/2018 14:24

    FOTOGRAFITE me LALI VELIAJN NUK I ZEVENDESOJN KURRE LISAT E PRERE NGA PROJEKTET e modelit TAHIRAMETA.NUK KA MBASDITE APO LAJME MENGJEZI QE VELIAJ TE POZOJE PER GAZETAT ME LOPATAT PABISHT ?Nga na VIJNE GJITHE KETO kallemba DHE PALMA. KA VELIAJ koperative she koperativiste she AI eshte brigadhjeriapo NDONJE la FITUAR tenderin per BLENDI klosin?? NUK me del llogaria QE LALI TE MBJELLE I VETEM 1000 BARISHTE MARIUANE APO LULESHTRYDHE .LLOGARITARI I RAMES ESHTE NE DIJENI .11

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46