Parlamenti Europian miraroi sot në Komitetin e Punëve të Jashtme një rezolutë tjetër ku i bëhet thirrje vendeve anëtare, Këshillit Europian, për të hapur sa më parë negociatat me Shqipërinë dhe Maqedoninë e Veriut, si një domosdoshmëri për të treguar besueshmëri dhe seriozitet për procesin e integrimit evropian për të gjitha vendet e Ballkanit Perëndimor. Raporti u miratua me 66 vota pro, 4 kundër dhe 3 abstenim.
Në raportin e përgatitur nga Raporterja për Shqipërinë në PE, eurodeputetja Isabel Santos, raport i cili do t'i shkojë seancës plenare përmiratim në formën e rezolutës, ritheksohet mbështetja e qartë për transformimin demokratik të Shqipërisë, të mbështetur nga orientimi strategjik dhe përkushtimi i palëkundur ndaj integrimit evropian.
Santos rikujton në raport nevojën për të mbështetur shpejt ritmin dhe besueshmërinë e integrimit evropian, hapjen e negociatave të anëtarësimit me Shqipërinë dhe Maqedoninë e Veriut, ashtu siç prej vitesh tashmë është rekomanduar nga Komisioni Europian, duke qenë se të dyja vendet kanë përmbushur kushtet dhe të dyja vendet kanë dhënë rezultate të qëndrueshme në të gjitha fushat themelore.
Në projekt rezolutën e Parlamentit Europian ritheksohet gjithashtu se ritmi i anëtarësimit në BE përcaktohet nga progresi në kohën e duhur, funksionimi i të gjitha institucioneve dhe bazohet në sundimin e ligjit, qeverisjen e mirë dhe të drejtat themelore. Ndaj për këtë arsye i kërkohet Shqipërisë të mbështesë dhe të intensifikojë përpjekjet për të përforcuar funksionimin e gjyqësorit, forcimin e shtetit ligjor, luftimin e korrupsionit dhe krimit të organizuar, duke garantuar edhe lirinë e medias.
Parlamenti Europian ka përshëndetur edhe një herë punën e organeve të reja të drejtësisë për rezultatet e fundit në luftën kundër korrupsionit dhe krimit të organizuar.
“Nevojiten përpjekje shtesë për të rritur më tej sekuestrimin dhe konfiskimin e aseteve kriminale që rrjedhin nga veprat penale të lidhura me korrupsionin dhe për të zhvilluar një gjurmë provash në rastet e nivelit të lartë. Shprehim keqardhjen që dënimet në rastet që përfshijnë zyrtarë të nivelit të lartë mbeten ende të kufizuara, duke nxitur një kulturë të mosndëshkimit” thuhet në raport.
Shqipëria dhe Maqedonia e Veriut presin që qershorin e ardhshme të mund të kenë një datë të përcaktuar për negociatat. Prej kohësh tashmë ngërçi është në Këshillin Evropian për shkak se bëhet i pamundur një vend prej vetos bullgare për Maqedoninë e Veriut. Shkëputja e Shqipërisë nga Maqedonia e Veriut është një ide e fundit e qeverisë shqiptare nëse edhe në qershor Bullgaria do të vazhdojë të bllokojë procesin.
Qershorin e kaluar ministrat e jashtëm të vendeve të BE nuk vendosën dot një datë se kur do të mbahet Konferenca e Parë Ndërqeveritare për hapjen e negociatave për Shqipërinë dhe Maqedoninë e Veriut. Pengesë këtë herë u bë Maqedonia e Veriut pas vetos që i vendosi Bullgaria. Ndryshe nga konferencat e mëparshme, Shqipëria brenda dy viteve të fundit arriti të mposhtte skepticizmin e disa vendeve anëtare të cilët konsideronin se Shqipëria nuk përmbushte kushtet për hapjen e negociatave të anëtarësimit, por kësaj here ajo ishte kurban i problemeve të Maqedonisë së Veriut.
Po pse Bullgaria po pengon Maqedoninë e Veriut? Qeveria bullgare ishte kundër konferencës së parë ndërqeveritare me Maqedoninë e Veriut, për të vazhduar negociatat me qeverinë e këtij vendi. Bullgaria kërkon nga Maqedonia e Veriut të njohë rrënjët bullgare në gjuhën dhe historinë e saj. Madje u dëgjua edhe kërkesa për njohjen e gjuhës së vendit jo si maqedonishte, por si dialekt i bullgarishtes.
(Kliko këtu për të lexuar draft-raportin)
Komente
Lajme të tjera
-
Ylli Pata: Shuplaka e europarlamentarëve ndaj Gazment Bardhit, kur BE flet shqip
30 Tetor, 21:16
-
Zbardhen Amendamentet që PS-ja i pranoi Fredi Belerit! Të parat u aprovuan, 3 të fundit u riformuluan me bashkëdakordësi, por PD refuzoi
30 Tetor, 15:48 -
Tryeza e stabilizim-asociimit, s'ka konsensus para BE-së! Opozita refuzon të votojë deklaratën e përbashkët! Eurodeputetët: Vota kundër sinjal negativ për Brukselin
30 Tetor, 12:07 -
Partia Demokratike e dyzuar për protestën, ndahet në dy pjesë! Një palë me eurodeputetët, të tjerët në bllokim rrugësh e mosbindje civile
29 Tetor, 18:40 -
Sot takimi i 18 i ndërparlamentar për stabilizim-asociimin/ Gogu për integrimin në BE: Kemi hyrë në një fazë që sjell përgjegjësi të thella
29 Tetor, 15:49 -
Opozita çon debatin politik në Komisionin Parlamentar BE-Shqipëri! Eurodeputetët ‘shuplakë’ PD-së: S’doni t’ia dini për BE, bëni fushatë me integrimin
29 Tetor, 09:23 -
Grupi i PD takon Michael Gahler në Parlamentin Europian, ‘harron’ përsëri Metën: Rama ka urdhëruar 7 muaj para zgjedhjeve burgosjet e liderit dhe deputetëve të opozitës
24 Tetor, 16:57 -
Bardhi ndan takimin me eurodeputetin në PE: Qeveria synon agjësimin e opozitës me burgosjen e Berishës
24 Tetor, 14:43 -
Mero Baze: E besoj që në Strasburg janë çuditur!
23 Tetor, 19:55
-
Takimi me deputetët e PD, reagojnë eurodeputetët: Shqipëria të sigurojë zgjedhjeve të lira dhe të ndershme! Të luftojë korrupsionin dhe krimin e organizuar
23 Tetor, 18:51 -
Grupi i PD takohet në PE me McAllister: E informuam për burgosjen e lidershipit të opozitës nga qeveria dhe gjendjen shqetësuese! Garanci për zgjedhje të lira
23 Tetor, 15:00 -
‘Free Berisha’, PD protestë në Parlamentin Europian, 'harron' Metën: Opozita e burgosur, qeveri teknike! Dogjani për Report Tv: BE t’i kërkojë llogari Ramës
23 Tetor, 09:39
Serbine shikoni.ajo ka perparime te medha.Cka bere shqiperia?Asgje.Edhe ate qe ju e pritnit per SPAK e ka bere ASPAK. Ndaj duhet ti beni hyzmet serbise
PërgjigjuMos ti hapin po deshen qe Ballkani Perendimor te mos behet Ukraine e dyte.
PërgjigjuMese e vertete me ramen kemi bere perparime prandaj jemi vendi me i korruptuar ne planet
Përgjigju