/ATSH-Gjergji Mima/ -Deputeti i Partisë Socialiste, Pandeli Majko, duke sjellë në kujtesë një foto të Parlamentit të parë shqiptar, në vitin 1921, fton kolegët e tij për reflektim.
Me anë të një postimi në rrjetin social "Facebook", deputeti Majko bashkëngjitur fotos së parlamentarëve të atij viti, duke numëruar me radhë emrat e tyre, shkruan se " fotoja mbetet një shembull se si duhet te jemi dhe çfarë nuk duhet të bëjmë".
Deputeti i PS-së, vlerëson se të gjithë ata deputetë, edhe sot, "ndriçojnë inteligjencë dhe patriotizëm nga largësia e kohës nga vijnë, pavarësisht rezervave që lanë "xhepat" e historisë. Lufta për pushtet dhe pamundesitë e kohës që jetuan i përplasën me njëri-tjetrin duke i dhuruar vetes, vendit dhe kombit në periudhat e mëvonshme dhimbje e lëngata të pamerituara".
Postimi i plotë i deputetit Pandeli Majko
PARLAMENTI I PARE SHQIPTAR (Viti 1921)
Emrat sipas rreshtave:
1-Llambi Goxhomani, Bahri Omari, Ali Koprenca, Milto Tutulani
2-Luigj Gurakuqi, Atë Gjergj Fishta, Shefqet Vërlaci, Osman Haxhia, Ahmet Zogolli, Eshref Frashëri
3-Shefqet Daiu, Ali Këlcyra, Kolë Thaçi, Halit Rroji, Banush Hamdi Bega, Qemal Vrioni, Ahmet Hastopalli, Dom Ndre Mjeda, Maliq Bushati, Pandeli Cale, Anton Beça
4-Spiro Koleka, Shuk Gurakuqi, Masar Këlliçi, Rexhep Mitrovica, Spiro Papa, Agatokli Xhitoni, Leonidha Frashëri, Syrja Pojani, Stavri Vinjau, Patuk Saraçi, Taqi Buda, Ibrahim Xhindi
5-Leonidha Koja, Koço Tasi, Mustafa Kruja, Qazim Kokoshi, Loni Kristo, Bajram Fejziu, Mustafa Maksuti, Qemal Mullaj, Sejfi Vllamasi, Bektash Cakrani
Të gjithë këta deputetë, edhe sot, ndriçojnë inteligjence dhe patriotizem nga largësia e kohës nga vine, pavaresisht rezervave që lanë "xhepat" e historise. Lufta për pushtet dhe pamundësitë e kohës qe jetuan i përplasen me njeri tjetrin duke i dhuruar vetes, vendit dhe kombit në periudhat e mëvonëshme dhimbje e lëngata të pamerituara. Kjo foto mbetet nje shembull se si duhet të jemi dhe çfare nuk duhet të bëjmë, shkruan Majko.