Superliga shqiptare e futbollit mbylli të enjte raundin e katërt. Në program ishin dy duele, që nuk zhgënjyen me rezultate dhe gola. Në derbi, Partizani dhe Dinamo barazuan 2-2, ndërsa AF Elbasani fitoi 1-0 kundër Laçit. Pas kësaj jave, janë katërt skuadra që ndajnë kreun me shtatë pikë.
Në ‘Arenën e Demave’ fundi ishte dramatic, teksa Partizani dhe Dinamo luajtën një derbi që në fund u mbyll 2-2. Dinamo e nisi shumë mirë ndeshjen, duke kaluar në avantazh në minutën e 5-të me Itodo Mandela. Të kuqtë nuk u dorëzuan dhe barazuan shifrat me Bintsouka në minutën e 33-të.
Pjesa e parë u mbyll me këtë rezultat, ndërsa fraksioni i dytë ishte spektakolar dhe me raste shënimi. Shtylla i mohoi avantazhin Dinamos pak minuta para mbylljes së kohës së rregullt, ndërsa festa shpërtheu në krahun tjetër. Në minutën e 90+1 Rrapaj me një supergol nga jashtë zone i dha avantazhin Partizanit, duke përmbysur rezultatin. Festa e “Demave” zgjati pak, pasi Dinamo nuk e kishte thënë fjalën e fundit. Në minutën 90+5 ishte Lorenco Vila që përfitoi nga një top i mbetur në zonë dhe e ndali në fundin e rrjetës, duke barazuar shifrat. Paqe dhe një pikë në debutimin e Ilir Dajës te stoli i Dinamos pas 13 vitesh.
Në ‘Elbasan Arena’ vendasit e AF Elbasanit iu falën një goli të shënuar nga Ze Gomes në minutën e 73-të, për të marrë tri pikë të arta dhe fitoren 1-0 kundër Laçit. Një sfidë tejet e luftuar në fushë, por në fund festa ishte për vendasit që morën fitoren e dytë në katër ndeshje.
Pas raundit të katërt, renditja e Superligës sheh katër skuadra me shtatë pikë në vendin e parë. Në fund Laçi me vetëm dy pikë. Pas katër javësh, Tirana dhe Laçi nuk kanë shijuar ende tri pikët e para për këtë sezon.
Superliga, raundi 4:
E mërkurë, 11 shtator 2024
16:00 Bylis 2-2 Tirana
19:00 Skënderbeu 2-3 Teuta
19:00 Vllaznia 3-1 Egnatia
E enjte, 12 shtator 2024
19:00 AF Elbasani 1-0 Laçi
19:00 Partizani 2-2 Dinamo
Renditja:
Superliga shqiptare mbylli raundin e katërt dhe tanimë skuadrat po mendojnë për javën pasardhëse. Të diel dhe të hënë më 15 dhe 16 shtator do luhen ndeshjet e radhës, ku spikat Tirana – AF Elbasani në ‘Air Albania’.
Superliga, raundi pestë:
15 shtator 2024
16:00 Egnatia – Bylis
19:00 Teuta – Vllaznia
16 shtator 2024
16:00 Laçi – Partizani
19:00 Dinamo – Skënderbeu
19:00 Tirana – AF Elbasani
Lajme të tjera
-
Kisha e 'Shna Ndout' tërheq qindra besimtarë, mbahet mesha e shenjtë e Krishtlindjes
24 Dhjetor, 20:06 -
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31 -
Zyrtare/ Bruno Telushi pa ekip, AF Elbasani konfirmon largimin
24 Dhjetor, 11:48 -
Protesta e PD/ Berisha me një grusht militantësh bllokojnë 3 orë Tiranën: Qeveri teknike! Përplasen me policinë! Noka grusht efektivit
23 Dhjetor, 17:11 -
Tirana rrezikon mbijetesën, pesë titullarë me 'valixhe në duar'
23 Dhjetor, 09:29 -
Renditja/ Superliga mbyll vitin 2024, Teuta barazon pa gola me Bylisin! Tifozët numërohen me 'gishtat e një dore'
22 Dhjetor, 19:07 -
Superliga/ Dinamo me hap kampioni, fiton 2-1 kundër Egnatias dhe mbyll 2024 në krye! Tirana 'buzë greminës', Laçi e përmbys 3-1
21 Dhjetor, 18:29 -
Protesta e opozitës të hënën/ Zbardhet ‘skenari’, rrugët do të bllokohen! Berisha i pranishëm për herë të parë pas lirimit nga 'arresti shtëpiak'
21 Dhjetor, 17:51 -
Superliga nis aktin e fundit për 2024, fitojnë Partizani dhe AF Elbasani! ‘Demat’ momentalisht në krye
20 Dhjetor, 22:15 -
Zgjedhjet e 2025/ Berisha i ankohet Këshillit të Diasporës për qeverinë dhe Sorosin: Gjyqe politike ndaj opozitës, qeveri teknike për garantimin e votës së emigrantëve
20 Dhjetor, 15:19 -
Berisha sulmon Dumanin dhe del kundër SHBA: E ka vendin në burg, amnistoi krimet elektorale, s'mund t'i zgjatet mandati! Merr 100 mln lekë në vit, mercenar i partisë
20 Dhjetor, 13:04 -
Kurbin/ Kishin përshatur ambiente për konsumim, shitje drogash dhe lojëra fati, 3 të arrestuar! Mes tyre pronari dhe prindërit e tij
20 Dhjetor, 12:58
