TIRANË - Më pak se pesë muaj ka zgjatur aventura e Sokol Haxhisë si drejtori teknik i Partizanit. Ish-futbollisti i "Demave të Kuq" ka njoftuar këtë të enjte largimin nga klubi. Ky largim vjen vetëm një ditë pas dorëheqjes së trajnerit Skënder Gega.

"Ishte një nder dhe një përgjegjësi e madhe të kontriboja, në këtë periudhë, te zhvillimi i Partizanit. Largohem me krenarinë se dhashë gjithçka nga vetja për këtë klub historik. Faleminderit të gjithëve që më mbështetët në këtë rrugëtim. Futbolli vazhdon, gjithmonë me pasion", bën me dije Haxhia në kanalet e komunikimit.

Tanimë pa trajner dhe pa drejtor teknik, "frenat" e skuadrës kalojnë përkohësisht te ish-trajneri i moshave të Partizait, Fatjon Muhameti, i cili do stërvisë lojtarët derisa klubi të vendos për trajnerin e ri.

Klima nuk duket e mirë në një prej klubeve më të rëndësishme në Superligë dhe eliminimi nga Conference League duket se ka "trazuar ujërat" te Partizani.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 2 Shkurt, 13:24

    A e mbështesni kërkesën e gjyqtarëve për rritje page?

Lajme të tjera