POP 5

Lajmet më të lexuara të 5 minutave të fundit

Sport

Partizani 'zjarr' në nisje, ndjek rekordin e 2008! Zhgënjen Kukësi, trajneri Gega: Ndeshjet s'fitohen në letër

Pas fitores së tretë radhazi që i dha kreun në kampionat Partizani është në ndjekje të rekordit të 2008 kur skuadra drejtohej nga Hasan Lika. Ndërkohë Kukësi ka bërë një nisje të zhgënjyer, me trajnerin Gega që ka treguar disa arsye përse ekipi ndodhet në këtë situatë dhe ka premtuar se në vijim do jetë ndryshe.

Partizani është 2 fitore larg rekordit për nisjen më të mirë të sezonit. Të kuqtë të dielën morën fitoren e 3 radhazi në po kaq ndeshje, pasi në transfertën e Ballshit fituan 0-1 kundër Bylisit, me golin e të përhershmit Xhuliano Skuka.

Nisjen më të suksesshme të kampionatit Partizani e ka bërë në sezonin 2007-2008 kur drejtohej nga Hasan Lika me 5 fitore në po kaq ndeshje. Për ta barazuar të kuqtë duhet të fitojnë në fundjavë kundër Erzenit dhe më pas Kukësit, ndërsa për ta thyer duhet të kalojnë edhe një pengesë të rëndë siç është derbi i kryeqytetit me Tiranën.

Nëse Partizani po synon rekorde pozitive e kundërta mund të thuhet për Kukësin, një tjetër skuadër që ka nisur Superligën me pretendimin për ta fituar. Në 3 ndeshje verilindorët kanë vetëm 1 pikë dhe për rrjedhojë renditen të fundit.

“Në futboll ka diferenca në letra, por jo në fushë. Kam menduar, shpresuar dhe kemi punuar gjatë javës që të jemi të vëmendshëm, por problemi është se një pjesë është e huaj, një pjesë nuk ka mentalitetin e futbollit shqiptar, por edhe të Kukësit. Nuk marrin shumë përgjegjësi. Duhet ta nisim ndryshe duke filluar nga unë,”-u shpreh Skënder Gega, trajner i Kukësit.

Sfida e rradhës që Kukësi të ndërrojë faqe është kundër Teutës, skuadrës së parë që shkarkoi trajnerin për këtë sezon.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Protesta e Berishës, Faik Basha i PL-së e pranon: Nuk kishim shumë njerëz edhe prej motit! Haklaj: Mosbindja civile, teatër! PD bllokoi rrugët, vepër penale

Protesta e Berishës, Faik Basha i PL-së e pranon: Nuk kishim shumë njerëz edhe prej motit! Haklaj: Mosbindja civile, teatër! PD bllokoi rrugët, vepër penale

25 Dhjetor, 17:47