Pas 19 ditëve në qeli gjykata liron polakun, armën në makinë ia futi bashkëpunëtori i SHISH

Pas 19 ditëve në qeli gjykata liron polakun, armën në makinë ia futi bashkëpunëtori i SHISH

Graciano Hidri

Arkadiusz Modrzejewski, biznesmeni Polak i arrestuar në 11 korrik 2019 për akuzën e “Mbajtjes pa lejë të armëve”, është liruar sot nga gjykata e Durrësit. Polaku, ka qëndruar 19 ditë në qeli, por gjatë kësaj kohe është vërtetuar se ai nuk kishte asnjë lidhje me armën tip pistoletë TT, që policia gjeti në makinën e tij.

Hetimi ka zbuluar se arma ishte futur qëllimisht nga bashkëpunëtori i SHISH në Durrës Graciano Hidri, i cili në këtë veprimtari kriminale ka bashkëpunuar me inspektorin e SHISH në Durrës me inicialet A.S, që ka njoftuar policinë e Durrësit, e cila arrestoi poshtë shtëpisë së tij polakun Arkadiusz Modrzejeëski.

Por ky i fundit në asnjë moment nuk ka pranuar autorësinë e krimit, duke këmbëngulur në policinë e Durrësit, gjykatë dhe prokurorisë se arma e sekuestruar në makinën e tij ishte futur qëllimisht nga bashkëpunëtori i tij në biznes Graciano Hidri.

Pas hetimeve të kryera janë siguruar të dhënat dhe provat se arma e zjarrit ishte futur në makinë nga bashkëpunëtori i SHISH në Durrës Graciano Hidri, i cili e ka bërë këtë veprim si pasojë e dëshirës për tu hakmarrë,pasi mes Hidrit dhe Arkadiusz Modrzejewski,ka pasur një konfliktin për çështjen e kompanisë. Por që prej ditës së shtunë Graciano Hidri, është arrestuar dhe mbyllur në qeli, ndërsa ditën e sotme gjykata e Durrësit ka liruar nga qelia Arkadiusz Modrzejeëski.

G.M./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Shqiptari dhunon gruan dhe djalin e mitur në Itali

Shqiptari dhunon gruan dhe djalin e mitur në Itali