Lezhë/ Tentativa e vrasjes me armë të 33-vjeçarit, shkak i sherrit loja e bixhozit! I riu i shpëtoi dy plumbave, Policia arrestoi autorin e dyshuar

Lezhë- Policia e Lezhës ka zbardhur ngjarjen e ndodhur mbrëmjen e së dielës (9 Shkurt) në fshatin Shënkoll, ku një konflikt mes dy personave u shoqërua me të shtëna me armë zjarri, por fatmirësisht nuk pati të lënduar.

Nga tërësia e veprimeve hetimore dhe dëshmive të mbledhura rezulton se i dyshuari Danjel Nikolli, 32-vjeç, banues në Shënkoll, është konfliktuar fizikisht me shtetasin E.T., dhe më pas ka nxjerrë armën pistoletë që e mbante më vete dhe ka qëlluar dy herë në drejtim të 33-vjeçarit.

Asnjë nga dy plumbat nuk e prekën shënjestrën. Konflikti mes dy të rinjve ka lindur pas një loje bixhozi, në një lokal në fshatin Shënkoll, ndërsa falë reagimit në kohë blutë kanë parandaluar përshkallëzimin e mëtejshëm të sherrit.

Policia arriti të prangosë 32-vjeçarin Danjel Nikolli, ku ndaj tij janë ngritur akuzat “vrasja e mbetur në tentativë” dhe “prodhimi dhe mbajtja pa leje e armëve luftarake dhe municionit”. 

Në cilësinë e provës materiale  ka sekuestruar armën e zjarrit dhe dy gëzhoja, ndërsa vijojnë hetimet për zbardhjen e plotë të kësaj ngjarje.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 28 Mars, 18:47

    Fileto pule me salmonelë, sa të sigurta janë produktet që konsumojmë?



×

Lajmi i fundit

Mishi i pulës me salmonelë nga Brazili, reagojnë kompanitë! 'diMal': Asnjë sasi nga lotet e kontaminuara s'është përdorur në prodhimin e produkteve tona

Mishi i pulës me salmonelë nga Brazili, reagojnë kompanitë! 'diMal': Asnjë sasi nga lotet e kontaminuara s'është përdorur në prodhimin e produkteve tona