VLORË- Një instalacion i veçantë është vendosur në në hyrje të qytetit Vlorës, një bimë që mban vesën gjatë gjithë kohës. Megjithatë, me e veçantë se instilacioni, ka qenë prezantimi i saj nga kryebashkiaku i Vlorës, Dritan Leli, i cili e ka përshkruar sikur të ishte një bimë e vërtetë. Duke qenë se shumë prej qytetarëve, përveç atyre të pajisur me autorizim, nuk kanë mundësi ta shohin se janë në karantinë, Leli me humor u ka kërkuar atyre që të mos i afrohen.

"Na rezulton se gjatë këtyre 40 ditëve të karantinës në hyrje të Vlorës ka mbirë një lloj i panjohur bari i lartë që e ruan vesën gjatë gjithë kohës në formë të konservuar përgjatë trupit.Bashkia e Vlorës do të angazhojë Institutin e Bimëve për të analizuar shkaqet e lindjes dhe përbërjen biologjike të kësaj specieje.  Ju bëjmë thirrje të gjithë qytetarëve të mos i afrohen pa u zbuluar më parë efekti i kësaj bime mbi organizmin e njeriut! Për momentin bimë të tjera dhe pemë të ndryshme po shtohen rrotull barit të çuditshëm me përmasa gjigande që ka dalë në hyrje të qytetit", shkruan Leli me humor.