Një burrë 35 vjeçar, i identifikuar më vonë si Sajmir Zalli, në Tiranë, kërcënoi këtë pasdite rreth orës 17:45 të kryente vetëvrasje duke u hedhur nga një vinç montuar në një oborr pranë Pallatit të Kulturës në qendër të Tiranës. Pasi që ishte në majë të vinçit mbi 30 metra për gati 60 minuta, Sajmir Zalli u bind nga policia dhe u tërhoq. 

sajmir zalli
 (Sajmir Zalli, 30 vjeçari nga Lezha)

Kanë qenë qytetarët ata që kanë informuar policinë se një i ri po tenton të vrasë veten duke kërcënuar të hidhet nga vinçi. Në dëshminë e tij në polici i riu ka treguar se shkak për kërcënimin për vetëflijim është bërë fakti se ish-gruaja e tij nuk e linte atë të shikonte fëmijët.

Zhvillimet minutë pas minute nga ngjarja:

Ora 19:56: Njoftimi i plotë i policisë:

Tiranë.

Informacion paraprak.

Më datë 16.10.2017, rreth orës 17:30, jemi njoftuar se në qendër kishte hipur në një vinç, një shtetas i cili pretendonte se do hidhej nga vinçi.

Menjëherë në vendngjarje kanë mbërritur policia dhe zjarrfikësja.

Pas negociatave të bëra nga Policia një i afërm dhe një gazetar u arrit që shtetasi Saimir Zalla 35 vjeç nga Lezha të zbrite nga vinçi.

Ky shtetas u shoqërua në ambientet e policisë dhe sipas deklarimeve paraparake të thëna prej tij, e kishte ndërmarrë këtë veprim, pasi ishte divorcuar me bashkëshorten dhe kishte probleme se ish bashkëshortja nuk e lejonte të takonte dy fëmijët e tij.

Ora 19:42: Ish-gruaja tregon se ajo e linte ti takonte fëmijët, por Zalli kishte probleme me alkoolin
E pyetur nga policia ish-bashkëshortja e Sajmir Zallit ka treguar se me vendim gjykate fëmijët i takonin asaj, por nuk e  ka penguar babin 35-vjeçarë që ti takonte, ndërsa ka shtuar se Sajmir Zalli shumë shpesh konsumonte alkool

Ora 19:39: Sajmir Zalli dëshmon në polici
Pasi kërcënoi për gati një orë se do të hidhej nga vinçi, Sajmi Zalli ka treguar në komisariat se shkak për këtë veprim u bë fakti që Ish-gruaja nuk më e lejonte të takonte fëmijët

Ora 18:55 : Sajmir Zalli zbret nga vinçi, policia e merr drejt komisariatit
Pas rreth një ore, 35-vjeçari zbriti nga vinçi ndërsa policia e shoqëroi atë më pas drejtë komisariatit

Ora 18.40 : Njeriu tregon se dëshiron të zbres
Sajmir Zalli, kapur nga kamerat e televizioneve që raportojnë nga vendngjarja, duket se po shkon drejt shkallëve, një shenjë që ai ka vendosur të zbresë dhe ti japë fund protestës së tij

Ora 18:30: Identifikohet personi, ai quhet Sajmir Zalli
Njeriu që kërcënon vetëvrasje nga maja e një vinçi quhet Sajmir Zalli dhe është 35 vjeç, i cili mësohet se është baba i dy fëmijëve.

Ora 18:05:  Anëtarët e familjes së njeriut në vend
Policia ka sjellë anëtarët e familjes së njeriut që po kërcënon të kryejë vetëvrasje, për ta bindur atë për të ndaluar protestën e tij. Në vendngjarje ndodhet një grua dhe dy fëmijë , dhe supozohet se ata janë gruaja dhe fëmijët e njeriut. Njeriu nuk dhënë ende ndonjë shpjegim për gjestin e tij, ndërsa ka bërtitur fjalë të rënda kundër prokurorit

Ora17:50: Policia është në zonë
Policia rrethuar zonën rreth vinçit ku 15 minuta po kërkon të negociojë me njeriu që kërcënon të vetëvritet.

Ora 17:48: Një njeri në majë të një vinç kërcënon të kryejë vetëvrasje



Nje qytetar kercenon me vetevrasje ne qender te Tiranes
(I riu mbi vinç i cili kërcënon të vertëvritet)

Redaksia Online
J.Sh Shqiptarja.com