Kolegji i Posaçëm i Apelimit, organi fundor i Vetingut, ka shkarkuar nga detyra të gjithë gjyqtarët dhe prokurorët, të cilët janë konfirmuar në detyrë nga Komisioni i Pavarur i Kualifikimit (shkalla e parë e Vetingut), por që vendimet për konfirmimin e tyre janë kundërshtuar nga Komisioneri Publik. Nga ana tjetër, Kolegji nuk kaq kthyer në detyrë asnjë subjekt që është shkarkuar nga KPK. Me këtë standard të frikshëm, KPA shkarkoi nga detyra edhe kryetarin e Gjykatës Kushtetuese Bashkim Deden si dhe anëtaren e Këshillit të Lartë të Prokurorisë Antoneta Sevadarin, për mosjustifikim të disa shumave modeste. Vendimi i fundit i KPA ishte për shkarkimin e anëtarit të Gjykatës Kushtetuese, Besnik Muçin, i cili ishte emëruar disa ditë më parë nga Presidenti Ilir Meta në këtë detyrë.
Ndërkaq, Kolegji i Apelimit ka në shqyrtim dosje të tjera të anëtarëve dhe drejtuesve të institucioneve të drejtësisë, të cilët janë konfirmuar nga KPK, por që Komisioneri Publik kërkon të shkarkohet nga detyra. Konkretisht, në vijim, Kolegji i Apelimit do të vendosë edhe për fatin e Besnik Canit, i zgjedhur anëtar i Këshillit të Lartë të Prokurorisë. Kërkesa e Komisionerit Publik për shkarkimin e Canit, me argumentin se nuk justifikon një pjesë të pasurisë, po shqyrtohet nga trupa gjykuese e kryesuar nga Rezarta Schuetz, relator Ardian Hajdari si dhe anëtarë Albana Shtylla, Luan Daci dhe Sokol Çomo. Pozitat e Canit janë edhe më të rrezikuara në kushtet kur shkarkimi i tij nga detyra është rekomanduar fillimisht nga Operacioni Ndërkombëtar i Monitorimit. Pas këtij rekomandimi, Komisioneri Publik vuri në lëvizje Kolegjin e Posaçëm të Apelimit.
Gjatë javëve dhe muajve në vijim, Kolegji i Posaçëm i Apelimit do të vendosë për fatin e pesë drejtuesve të prokurorive, konkretisht për Elvin Gokajn, Donika Prelën, Artan Madanin, Petrit Çanon dhe Dritan Pekën. Gjithashtu, Kolegji i Apelimit do të vendosë edhe për fatin e katër drejtuesve të gjykatave, konkretisht të Kastriot Selitës, Ramiz Lalës dhe Alma Kolgjokës. Kolegji do të vendosë për shkarkimin nga detyra ose për konfirmimin në detyrë edhe të gjyqtares së Tiranës Regleta Panajoti, prokurorin pranë Prokurorisë së Përgjithshme Adnand Kosova, prokuroren e Krimeve të Rënda Manjola Kajana si dhe prokuror e Shkodrës Arben Dollapaj.
Gjatë dy viteve të fundit, që kur ka nisur funksionimi i organeve të Vetingut, Komisioneri Publik ka kërkuar shkarkimin e 23 prokurorëve dhe gjyqtarëve. Deri më tani, KPA ka marrë vendim për 10 kërkesa të Komisionerit Publik, duke shkarkuar në të gjitha rastet gjyqtarët dhe prokurorët. Konkretisht janë shkarkuar nga detyra Gentjan Osmani, Besnik Muçi, Artur Malaj, Xhezair Zaganjori, Valbona Bala, Antoneta Sevdari, Astrit Faqolli, Alma Brati, Bashkim Dedja dhe Edmond Islamaj. Përpos Besnik Canit, Kolegji i Apelimit do të vendosë edhe për 12 gjyqtarë dhe prokurorë të tjerë, të cilët janë konfirmuar në detyrë në shkallën e parë, por që Komisioneri Publik kërkon shkarkimin e tyre nga detyra.
Gjyqtarët dhe prokurorët në rrezik, dosjet në Kolegjin e Apelimit
1. Besnik Cani, anëtar i Këshillit të Lartë të Prokurorisë
2. Elvin Gokaj, drejtues i Prokurorisë së Apelit Shkodër
3. Donika Prela drejtuese në Prokurorinë e Shkallës së Parë për Krime të Rënda
4. Artan Madani, drejtues i Prokurorisë Kavajë
5. Petrit Çano, drejtues i Prokurorisë Krujë
6. Dritan Peka drejtues i Prokurorisë së Apelit Tiranë
7. Ramiz Lala, kryetar i Gjykatës Administrative të Shkallës së Parë Gjirokastër
8. Kastriot Selita, kryetar i Gjykatës Administrative të Apelit Tiranë
9. Alma Kolgjoka kryetare e Gjykatës së Rrethit Gjyqësor Krujë
10. Regleta Panajoti, gjyqtare e Tiranës
11. Adnand Kosova, prokuror pranë Prokurorisë së Përgjithshme
12. Manjola Kajana, prokurore për Krime të Rënda Tiranë
13. Arben Dollapaj, Prokuror në Prokurorinë e Shkodrës
( Kliko këtu ) Rekomandimi i plotë
Lajme të tjera
-
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23 -
'Bie' Holta Zaçaj, kolegët në Kushtetuese votojnë që mandati t'i përfundojë më 10 mars 2025
23 Dhjetor, 16:04 -
Mali i Zi, opozita bojkoton Parlamentin për shkak të Gjykatës Kushtetuese
22 Dhjetor, 08:07 -
Konfirmimi i prokurores Eranda Laze ankimohet në Kolegj
20 Dhjetor, 19:41 -
Dosja 'Metamorfoza'/ Kërkesa e biznesmenit Pëllumb Gjoka për pavlefshmëri të përgjimeve nga Sky ECC, Kushtetuesja tërhiqet për vendim
19 Dhjetor, 15:05 -
Vettingu/ Nuk justifikoi dot pasuritë, huatë dhe 2 makina, KPA shkarkon gjyqtarin e Apelit Durrës! Lihet në fuqi vendimi i KPK për Desart Avdulajn
18 Dhjetor, 11:20 -
Ripërtëritja e Kushtetueses/ Syri kërcënon anëtarët e Gjykatës: Burg nëse ndërprisni mandatin e gruas së Andi Bejtjes, shefit të lajmeve te Syri Tv
17 Dhjetor, 16:47 -
Seanca për mbarimin e mandatit të kryetares së Gjykatës Kushtetuese, Holta Zaçaj shtyhet për 23 dhjetor
17 Dhjetor, 16:18 -
KPA largon përfundimisht nga Drejtësia prokuroren e Shkodrës! Edlira Cufit iu gjet lidhja me të dënuarin për prostitucion, i mbylli dosjen
17 Dhjetor, 10:31 -
Kriza me Gjykatën Kushtetuese, Karaj: Zaçaj ka firmosur mandatin e lënë nga Vitore Tusha deri në mars! Flogert Muça: Amerikanët nuk kanë reaguar, ky është mesazhi!
16 Dhjetor, 22:31 -
Spahiu: Përplasja e Gjykatës së Lartë me Kushtetuesen, rast i paprecedent në historinë e Shqipërisë
16 Dhjetor, 21:53
