Pas suksesit në Bienalen e Arkitekturës në Çikago ku merrnin pjesë 140 arkitektë dhe urbanistë të zgjedhur nga 20 vende të botës, sheshi “Skënderbej” është zgjedhur si një nga 25 projektet finaliste për Çmimin Evropian për Hapësirën Publike 2018.
Lajmi që bën krenar çdo shqiptar për këtë kryevepër arkitekturore është dhënë nga vetë kryebashkiaku Erion Veliaj në twitter.
Është e mrekullueshme të shohësh sheshin tonë “Skënderbej” të përzgjedhur si finalist për Çmimin Evropian për Hapësirën Publike 2018.
Erion Veliaj, kryebashkiak i Tiranës
Juria ndërkombëtare e këtij konkursi njeh krijimin, rikuperimin dhe përmirësimin e hapësirave publike dhe vlerëson gjendjen e tyre si një tregues i shëndetit demokratik të qyteteve.
Një vit më parë sheshi “Skënderbej”, vendi simbol i shqiptarëve, u hap për publikun duke shfaqur një pamje krejtësisht të re. Sheshi “Skënderbej”, në mënyrë simbolike, për gurët me të cilët është ndërtuar dhe pemët me të cilat është gjelbëruar, përfaqëson të gjitha trojet shqipfolëse.
Ai përfaqëson një ndërthurje mes pjesës së ngurtë dhe asaj të gjelbër dhe pyllëzuar, duke ruajtur fort simbolikat kombëtare dhe historike që mbart. Dikur një shesh me gropa dhe ku mbizotëronin automjetet, tashmë sheshi ofron 32 000 metra katrorë oaze e pyll urban me bimësi nga çdo krahinë ku jetojnë shqiptarë, të gjitha në funksion të qytetarëve, të aktiviteteve artistike, kulturore, panaireve, koncerteve apo thjesht shëtitjeve e xhirove në orët e pasdites, në freskinë e pemëve.
Ato janë të mbjella në rreth 11 lulishte, ku janë mbjellë 2,220 pemë, 4,500 shkurre dhe 70,000 lule. Sheshi është i pajisur gjithashtu me rreth 100 shatërvanë të cilat përveç aspektit estetik do të shërbejnë edhe për freskinë gjatë periudhës së nxehtë. Ky shesh është në fakt një risi për vendin tonë edhe në aspektin ekologjik, duke shfrytëzuar ujin e shiut në sistemin e vaditjeve dhe shatërvanëve.
Për të bërë të mundur këtë poshtë sheshit janë ndërtuar rreth 2100 m3 rezervuare për ujin. Tranformimi i këtij sheshi i ka dhënë qendrës së Tiranës një pamje dinjitoze duke u shndërruar atë në mënyrë simbolike në qendrën e të gjithë shqiptarëve dhe njëkohësisht në kartolinën më të bukur evropiane.
(Sheshi 'Skënderbej' mes 25 finalistëve)
Komente
Lajme të tjera
-
Atmosfera festive në Tiranë 'rrëmben' vëmendjen e medias prestigjoze 'Reuters'
19 Dhjetor, 20:43 -
Festat e fundvitit, ndizen dritat e Pemës në ‘Sheshin Skënderbej'! Veliaj: Të ndezim dritën e zemrës dhe mendjes! Krenohem me Tiranën
2 Dhjetor, 18:49 -
Rikthehet 'Parada Shqiptare' më 28 Nëntor në Tiranë! 300 grupe artistike nga Diaspora do të mblidhen në kryeqytetin shqiptar
23 Nëntor, 15:48 -
Blogu italian ‘beBorghi’: Tirana, një qytet plot jetë dhe energji, të fton ta zbulosh çdo ditë e më shumë
6 Tetor, 12:24 -
Rekordi 'Guinness' i biçikletës me trupa njerëzor, Shqipëria e humbet për pak
7 Qershor, 21:01 -
Parking falas në sheshin ‘Skëndërbej’ për besimtarët ditën e faljes së Bajramit të Madh
30 Mars, 21:13 -
Punimet e fëmijëve me autizëm shiten tek sheshi ‘Skënderbej’, paratë shkojnë për nevojat e tyre! 17 vjeçari ekspozon pikturën e tij kuqezi
2 Janar, 19:28
-
VIDEO/ 'Lali Eri je me i miri', videoja virale e Mandi Nishtullës, që mbrëmë këndoi për herë të parë në sheshin 'Skenderbej'
26 Dhjetor 2023, 20:18 -
Njihuni me adoleshentët që shesin ëmbëlsira për të ndihmuar fëmijët në nevojë! Dea dhe grupi i saj me stendë te parkingu i i sheshit Skëndërbej në Tiranë
10 Dhjetor 2023, 15:19
-
Më pistoletë lodër, adoleshentët u grabisin paratë 2 personave në sheshin ‘Skënderbej’! Arresohet 17 vjeçari, në kërkim shoku i tij
10 Dhjetor 2023, 09:42 -
Tirana ndez dritat e festave, Veliaj: Mirësi, mbarësi dhe dashuri për gjithë! Ftoni familjarët që t’i kalojnë festat në kryeqytetin tonë
5 Dhjetor 2023, 19:53 -
“Il Sole 24 Ore”: Male, qytete dhe kështjella, eksplorimet e vjeshtës në Shqipëri
26 Tetor 2023, 22:27
Bashke me sheshin skenderbe finaliste jane dhe lungomaria ne vlore dhe himare, pse nuk i shkruani keto, besoj duhet t endihemi njesoj krenar per te tre projektet
Përgjigju