Vendimi i vetingut për gjyqtaren e Apelit Shpresa Beçja do të merret më 3 korrik 2020. Ditën e sotme u zhvillua seanca dëgjimore pas dy seancave të shtyra më 3 qershor dhe 17 qershor 2020. Beçaj, e shoqëruar nga avokati i saj Jualian Mërtiri, u paraqitën para trupës gjykuese të KPK të përbërë nga Olsi Komici, Roland Ilia dhe Lulzim Hamitaj.
Sipas KPK, gjyqtarja Beçaj nuk ka dorëzuar deklaratën e pasurisë pranë ILDKPI-së si dhe nuk ka depozituar as deklaratën e pastërtisë së figurës dhe as të të vlerësimit profesional duke mos përmbushur kështu detyrimin ligjor për të dalë para vetingut. Mosparaqitja e deklaratave, tha KPK, shkakton humbjen e cilësisë së subjektit të rivlerësimit dhe sjell pamundësinë e këtij institucioni për të vijuar hetimet në kuadër të vetingut.
"Mungesa e ushtrimit në kohë, i pamundëson KPK-së vlerësimin si ish-gjyqtare dhe si subjekt rivlerësimi si gjyqtare e Apelit", shprehet KPK.
Por për vetë gjyqtaren Beçaj dhe avokatin e saj, në kohën kur u kërkua plotësimi i deklarimeve, ajo nuk ka ushtruar profesionin e gjyqtares por avokates dhe për këtë hodhi akuza ndaj KLD se e la atë jashtë sistemit pasi sipas saj ishte një gjyqtare e pavarur. Gjyqtarja Beçaj shtoi se ajo është e gatshme për t'u kontrolluar në çdo rast.
"Nuk kam qenë gjyqtare në detyrë dhe për këtë arsye nuk e kam plotësuar. Konfirmimin në detyrë si gjyqtare në Gjykatën e Lartë e kam marrë shumë më vonë pasi janë plotësuar formularët në kuadër të vetingut. KLD me presidentin në krye shkelën lignin duke mos më bërë gjykatëse dhe ju si KPK bëni çfarë të doni, ky është një relacion i dobët i juaji. Nuk është faji im që KLD për 5 vite nuk më bëri gjyqtare. Kam qenë e jam në dispozicion për t'u kontrolluar jo sot por sa te kem jetën time. Kandidova edhe për organet e vetingut", tha Beçaj.
Edhe avokati i saj, Mërtiri tha se Beçaj nuk ka qenë e detyruar të dorëzojë deklaratat pasi ishte avokate dhe se KPK ka bërë një relacion të dobët duke mos u kuptuar nëse gjyqtarja Beçaj është subjekt rivlerësimi si ish gjyqtare apo gjyqtare.
"Referuar relacionit të KPK, konstatojmë se nuk është plotësisht e saktë. Komisioni nuk ka analizuar siç duhet argumentet shtesë që Beçaj ka dorëzuar. Nga relacioni nuk arritëm të kuptojmë se në cilën kategori të hetimit është përfshirë Beçaj, nëse është gjyqtare apo një ish-gjyqtare. Rasti i znj. Beçaj ka qenë i veçantë. KPK ka konstatuar se gjyqtarja nuk ka dorëzuar deklaratat për tre shtyllat e hetimit. Rezulton se në asnjë prej datave kur ka qenë e detyruar dorëzimi i këtyre deklaratave, Beçaj ka qenë avokate dhe jo gjyqtare ", tha avokati.
Shpresa Beçaj ka qenë gjyqtare në Gjykatën e Lartë në vitet 2004-2013 dhe kryetare e Gjykatës së Lartë në vitet 2008-2013. Ndërsa gjyqtare e Apelit Tiranë është caktuar muajt e fundit. Në 1987 Beçja ka qenë gjyqtare në qytetin e Gramshit, ndërsa në 1990 u emërua gjyqtare në Tiranë. Ajo ka një karrierë prej 33 vitesh gjyqtare
Po kush është Shpresa Beçaj? Emri i saj u përmend në një kontekst komprometues nga Ilir Meta në videoskandalin në zyrën e Dritan Priftit, publikuar në vitin 2011, duke tronditur opinionin publik dhe bërë bujë edhe në arenën ndërkombëtare. Në atë kohë Meta ishte ministër i Jashtëm në qeverinë e Sali Berishës, ndërsa Prifti ministër Ekonomie, i propozuar nga Meta. Duke folur për pazare koncesionesh, emërimesh dhe interesash të ndryshëm, Meta i thotë Priftit se i ka punën mirë me Shpresa Beçajn, pasi i ka emëruar vajzën si diplomate në Austri.
Shpresa Beçaj ishte pjesë një trupës gjykuese në Apel, e cila la në fuqi vendimin e gjyqtarit Lazër Sallaku, për mbylljen e dosjes së Lulzim Bashës për lobimin rus. Dy anëtarët e tjerë ishin Alaudin Malaj dhe Shkëlqim Mustafa. Treshja ‘vulosi’ dosjen e lobimit, duke pushuar akuzën ndaj Lulzim Bashës, lidhur me pretendimet e prokurorisë për falsifikimin e dokumenteve në rastin e mosdeklarimit të 675 mijë dollarëve që kompania amerikane Muzin Capitol Partners kishte pohuar se kishte marrë për aktivitetet në favor të Partisë Demokratike. Pyetja se ku i ka marrë PD 675 mijë dollarë dhe pse nuk i ka deklaruar në KQZ sipas ligjit, ka mbetur pa përgjigje nga drejtësia.
Ndërsa po sot konfirmohet në detyrë Valdete Hoxha, gjyqtare në Gjykatës e Apelit Tiranë, ku KPK tha se doli e pastër në 3 kriteret
Gjatë seancës dëgjimore në KPK, gjyqtarja Beçaj është acaruar dhe e ka cilësuar relacionin e këtij institucioni të dobët. Ajo akuzoi KLD dhe presidentin Nishani në atë kohë, se e lanë atë jashtë duke mos e bërë gjykatëse, pasi sipas saj ishte vërtetuar që ishte një gjyqtare e pavarur.
"KLD me presidentin në krye shkelën lignin duke mos më bërë gjykatëse dhe ju si KPK bëni çfarë të doni, ky është një relacion i dobët i juaji. Formula politike e 17 majit më la jashtë gjykatës pasi unë e kisha vërtetuar se isha gjyqtare e pavarur. Nuk është faji im që KLD për 5 vite nuk më bëri gjyqtare. Kam qenë e jam në dispozicion për t'u kontrolluar jo sot por sa te kem jetën time. Kandidova edhe për organet e vetingut.", tha Beçaj.
Avokati mbrojtës i Shpresa Beçaj, Jualian Mërtiri tha se nuk u arrit të kuptohej nëse gjyqtarja Beçaj ishte subjekt rivlerësimi si ish gjyqtare apo gjyqtare duke e cilësuar relacionin e KPK jo të saktë.
"Referuar relacionit të KPK, konstatojmë se nuk është plotësisht e saktë. Komisioni nuk ka analizuar siç duhet argumentet shtesë që Beçaj ka dorëzuar. Nga relacioni nuk arritëm të kuptojmë se në cilën kategori të hetimit është përfshirë Beçaj, nëse është gjyqtare apo një ish-gjyqtare", tha avokati.
Mërtiri shprehet se Beçaj nuk ka qenë e detyruar të dorëzojë deklaratat, pasi në kohën që ato duheshin plotësuar, Shpresa Beçaj ushtronte profesionin e avokates dhe jo gjyqtares.
"Rasti i znj. Beçaj ka qenë i veçantë. KPK ka konstatuar se gjyqtarja nuk ka dorëzuar deklaratat për tre shtyllat e hetimit. Rezulton se në asnjë prej datave kur ka qenë e detyruar dorëzimi i këtyre deklaratave, Beçaj ka qenë avokate dhe jo gjyqtare. Ligji nuk e ka të detyruar dorëzimin e deklaratave pasi ajo është emëruar në Gjykatën e Lartë. Mundësia e dorëzimit të një kërkese në KPK nuk ka sërish një bazë ligjore. Znj. Beçaj është e gatshme të plotësoj formularët, por nuk është parë e arsyeshme të plotësohen se nuk e detyron ligji. I kërkojmë komisionit që të vlerësoj me rigorozitet situatën e znj. Beçaj, në njërin prej rasteve më unike të bërë ndonjëherë, jo për shkak të saj", tha avokati.
I pyetur nga KPK se ku e përcakton përfundimisht Shpresa Beçaj veten, gjyqtare apo jo-gjyqtare, Mërtiri tha se "në periudhën që ajo nuk ishte gjyqtare nuk mund të konsiderohet gjyqtare".
Komente
Lajme të tjera
-
Vettingu/ Nuk justifikoi dot pasuritë, huatë dhe 2 makina, KPA shkarkon gjyqtarin e Apelit Durrës! Lihet në fuqi vendimi i KPK për Desart Avdulajn
18 Dhjetor, 11:20 -
KPA largon përfundimisht nga Drejtësia prokuroren e Shkodrës! Edlira Cufit iu gjet lidhja me të dënuarin për prostitucion, i mbylli dosjen
17 Dhjetor, 10:31 -
Mbyllet mandati i KPK-së, ambasada e SHBA-së: Llogaridhënia do të vazhdojë falë punës së shqiptarëve të guximshëm si ju
16 Dhjetor, 18:59 -
Reforma në drejtësi, VanHorn: Shumë e refuzuan, SPAK po godet bosët e krimit dhe të korruptuarit! Dumani: Pandëshkueshmëria po tronditet
16 Dhjetor, 15:40 -
Nga 1 Janari 2025 Altin Dumani merr edhe kompetencat e Komisionerit Publik, qeveria i kalon SPAK-ut edhe zyrat
15 Dhjetor, 20:15 -
U largua gjatë Vettingut, KPA i jep të drejtë shkallës së parë dhe rrëzon Komisionerin Publik për ish-inspektoren e KLD: Sofia Zhilla ishte dorëhequr! (VENDIMI)
12 Dhjetor, 16:37 -
Largohet nga vetingu gjyqtarja e Gjykatës së Gjirokastrës Mirela Iliopullo! E konfirmon dhe KPA
6 Dhjetor, 15:12 -
Vrau në Ndroq Alfred Dedjan/ Gjykatësja e 'Gërdecit' liroi Julian Gjoshin në 2021! Iu gjet pistoleta në makinë, tha se do e dorëzonte në komisariat! Raport mjekësor se vuante nga zemra
4 Dhjetor, 11:47 -
Merrnin ryshfet për të liruar patentat e pezulluara, Apeli i GJKKO shton dënimet për 7 persona
3 Dhjetor, 09:32 -
Lezhë/ Vranë për hakmarrje biznesmenin në Mamurras, Apeli lë në fuqi 47 vite burgim për 2 autorët! Shkak rrahja dhe ngacmimi i një vajze
26 Nëntor, 12:29 -
U shkarkua në 2021 pasi nuk provoi burimin e ligjshëm të pasurisë, KPA lë në fuqi vendimin e KPK për gjyqtarin e Apelit të Vlorës, Nazmi Troka
26 Nëntor, 09:23 -
Buxheti 2025, Kuvendi shpërndan para shtesë për institucionet e drejtësisë! 100 mln lekë për godinën e re të SPAK, fond pagash për stafin e Komisionerit Publik
26 Nëntor, 07:06
Si e dredhka kjo si ngjale!Ngjalat qe t'ua heqesh lekuren duhet ti gozhdosh ne derrase,kush do jete gozhda per kete?
PërgjigjuShpresa Becaj pushte me e korruptuar ne drejtesi mbese e kriminelit Berishe Bisha
PërgjigjuEshte dhe pak kara...
Shpresa Becaj, nga sekretare ne Gjykaten e Gramshit, nje dite te bukur behet Kryetare Gjykates Larte !!! Vetem kaq mjafton, per te kuptuar se me cfare mostrash ka punuar sistemi drejtesise ne Shqiperi. Nje provinciale, qe shkon deri Kryetare e Gjykates Larte, nuk mund te bazohet ne merita, por thjesht nje SHERBETORE NE FUNKSION TE POLITIKES DHE KARIERE NE SHERBIM TE XHEPAVE TE SAJ. Pretendon per padrejtesi nga Vetingu, por haron se sa padrejtesi ka bere si gjyqtare, pretendon pse KLD nuk e ktheu ne sistem pas perfundimit te mandatit ne Gjykaten e Larte, por raste anologe per te tjeret i ka miratuar te dalin jashte sistemit. Nje DALLKAUKE ME PSK, qe jo vetem duhet PERJASHTUAR NGA SISTEMI DREJTESISE, por edhe DUHET TE PERGJIGJET PENALIDHT, per vendimarje KORRUPTIVE dhe justifikimin e pasurise.
PërgjigjuKjo ska qene asnje dite avokate ka mare licence per te justifiku vjedhjet dhe eurot e mara kur ish kryetare gjykates me te korruptuar ne bote. Harroi shpresa qe edhe shoferin e kish sekser.., keto i dine te gjithe. Sa do te spetdridhet si gjithmone Shkarkimin dhe hetimin e ka pak.
PërgjigjuUjku ujku (Shpresa) ... Nderkohe cakalli (Valdetja) kalon pa u ndier. Pa koment.
PërgjigjuKjo ka qene kryetare e Gjykstes Larte... mikesha e Like floririt... kuptojeni ne cgjendje eshte drejtesia ne kete vend...
PërgjigjuValdete Hoxha nderton pa leje dhe sia ndien per shtet. Juve merreni me shpresen. Turp
PërgjigjuShume drejt. Po kujt ja thua ...???
kjo eshte reforme turpi...te preferuarit e metes hajdut ne kushtetuese, te preferuarit e rames dhe felajt qe i bene burrin prokuror kalojne vetingun, te preferuarit e bashes akoma gjykojne edhe pse kapen duke udhetuar me kriminele...medet o popull. vijne dhe keta kllounat ambasadore takojne ket matufen qe rri ne kushtetuese edhe pse i ka mbaruar mandati !!! TE NA RRUAÇ O REFORM !!!
PërgjigjuMirë që nuk morri raport mjekësor edhe për sot ,kjo është më e mënçura e të gjithëve ,ska bërë deklarime ,prandaj duhet të vazhdojë punën rehat rehat ...këto fytyra të urryera kanë mbrojtur politikanët hajdutë të këtij vendi ,tani politikanët po mundohen ti mbrojnë këta vampira ...
Përgjigjuplot 16 muaj hidhu pirdhu sa me trupe ne tjetren u verdallos k/hajduti karstriot selita, qe beri prokuror burrin e felajt dhe sa u zbatu vendimi kaloi shk1 vetingut trapi i vinjollit nga burreli qe kerkon vetem euro per te hap kapakun e dosjes. Pa kokerr leku, ne 2002 ish bari dhish, sot 1 mil euro pasuri vetem nga pjeset qe i ka mare grave ...martu nja 3 here.
PërgjigjuInjoranca nuk eshte justifikim o Avokat i Shpreses! Nuk arrita te kuptoj thote, kjo eshte te tallesh me gjykatesit. Hiqeni dhe te justifikoj pasurine urgjentisht.
Përgjigjuah qelbesira qe e quani veten gjyqtare! Shpresoj qe pas heqjes nga puna te te gjithe ketyre gjyqtarve e prokuroreve te korruptuar, od te dali nje prokuror/e qe ti hetoje kete plehra per krimet, mashtrimet dhe venies ne rrezik te jetes se qytetareve te pafajshem nga kriminelet qe kane liruar apio nuk kane denuar.
PërgjigjuSa gjate i keni shku Shpreses 11 janarit ...?? Po per Valideten Hoxhaj perse asnje germe ...???
PërgjigjuA ka afate strikte per subjektet e vetingut per te paraqitur dokumentet e kerkuara ?.Cdo shtyrje sjell dyshime ne gjykim .Figura me e besueshme nga mbare shqiptaret mbetet komisioneri i monitorimit nderkombetar .Ai eshte sharra ku ngecin shumica e te korruptuarve dhe te pa afteve te drejtesise, ndersa per KPK nje pjese e mire i kane kaluar dhe jane hedhur poshte nga nderkombetaret .Cfar te themi per vetingun shqiptar .Vleresimi rigoroz eshte besim ne popull
Përgjigju