POP 5

Lajmet më të lexuara të 5 minutave të fundit

Bota

Pas konstituimit Parlamenti Europian, pritet të votojë rezolutën për Ukrainën

Pas konstituimit Parlameti Europian pritet të marrë vendime të rëndësishme gjatë ditës së sotme ku parashikohet miratimi i një rezolute për luftën në Ukrainë, krijimi i Byrosë së Parlamentit, ngritja e komisioneve të përhershme dhe delegacioneve ndërparlamentare

Pas konstituimit të Parlamentit Evropian, që pasoi me konfirmimin në detyrë të Roberta Metsolës si presidente dhe zgjedhjen e 14 nënkryetarëve, axhenda vijon me vendime të rëndësishme.

Liderët e grupeve politike duke theksuar mbështetjen për Ukrainën që përballet me agresionin rus për më shumë se 2 vite, pritet të votojnë një rezolutë që përcakton qëndrimin e parlamentit të sapozgjedhur për këtë çështje.

Po ashtu, eurodeputetët do të zgjedhin pesë kuestorë, duke krijuar Byronë e Parlamentit për dy vitet e gjysmë. Kuestorët merren me çështje administrative që prekin drejtpërdrejt eurodeputetët.

Në fund, eurodeputetët do të votojnë për propozimin e Konferencës së Presidentëve për listën dhe madhësinë e komisioneve të përhershme të Parlamentit dhe delegacioneve ndërparlamentare.

Listat e eurodeputetëve komisioneve të përhershme të Parlamentit dhe delegacioneve ndërparlamentare që do të emërohen në secilin komision, të cilat vendosen brenda nga grupet politike dhe do të shpallen të premten.

Në mandatin e tij të dhjetë, Parlamenti Evropian ka 720 vende, 15 më shumë se në fund të legjislaturës së mëparshme.

I pranishëm në seancë dje ishte edhe eurodeputeti Fredi Beleri i cili u zgjodh në Greqi në siglën e partisë “Demokracia e Re” të kryeministrit Mitsotakis. Fredi Beleri shkoi në Strasburg pas lejes 5-ditore që mori nga Drejtoria e Përgjithshme e Burgjeve, duke lënë qelitë e burgut të Fierit ku vuan dënimin për blerje votash në zgjedhjet e fundit lokale.

Xh.K/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça