X

POP 5

Lajmet më të lexuara të 5 minutave të fundit

Kronikë

Pas kurimit në Turqi, kthehet në Tiranë efektivja Ina Nuka: S'kam ndërmend të tërhiqem nga policia (VIDEO)

Ina Nuka është pritur sot në aeroportin e Rinasit nga familjarë, të afërm dhe zyrtarë të policisë së shtetit. Fjalët e para të Inës ishin se pavarësisht plagëve të rënda që mori në protestën e banorëve të "Astirit" në dy gishtat e dorës, ajo nuk do largohet nga Policia e Shtetit, pasi kjo ka qenë ëndrra e saj.

TIRANE - Ina Nuka, efektivja e repartit të "Shqiponjave" që mbeti e plagosur në protestën e banorëve të "Astirit" përpara Kuvendit në 22 nëntor (Lexo këtu), pas kurimit në Turqi ka mbërritur mbrëmjen e sotme në aeroportin e Rinasit. Siç duket edhe nga pamjet e siguruara nga Report Tv, Ina duket në gjendje të mirë shëndetësore, ndërsa e prisnin në aeroport familjarë dhe të afërm. Fjalët e para të Inës përpara mediave ishin se ajo tashmë ndjehet mirë dhe nuk do tërhiqet nga policia pasi kjo ka qenë ëndrra e saj për të cilën ka sakrifikuar jo pak.

Sipas mjekëve atje gjithçka ka kaluar me sukses. Të tërhiqem nga policia? Kjo është e pamundur. Unë jam privuar nga shumë gjëra të tjera për të qenë në polici. Kjo s'më pengon aspak, madje më jep më shumë forcë.

Ina Nuka, efektive e Shqiponjave

Ina flet edhe për vështirësitë që kaloi pas dëmtimit të rëndë në dy gishta gjatë protestës ku 17-vjeçari Daniel Drobaj, banor i "Unazës së Re" hodhi një kapsollë në drejtim të saj. "Nuk është e lehtë sepse ishte dëmtim i madh dhe dhimbjet ishin të pallogaritshme. I falenderoj të gjithë, kryeministrin e vendit, mjekët turq, drejtorin e përgjithshëm, ministrin e Brendshëm, këdo që bëri të mundur që të jem këtu ku jam apo edhe atje ku vazhdova kurimin", tha Nuka.

Ina Nuka u shtrua fillimisht në spitalin e Traumës në kryeqytet ku pasditen e 22 nëntorit iu nënshtrua një ndërhyrje kirurgjikale urgjente. Por me mbështetjen e kryeministrit, Ina u nis drejt Ankarasë, në një spital të specializuar ku u bë i mundur rekuperimi i dy gishtërinjve të dëmtuar rëndë nga kapsolla e hedhur nga i riu gjatë tre ndërhyrjeve kirurgjikale në këtë spital.   

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ela: 24/12/2018 09:36

    Me ke shqetesuar shume vajze. Kam qene shume e hidheruar per ty. U demtove ne detyre. Zoti te paska dashur shume, jo vetem te gjithe ne, qe luteshim per ty. Te shkuara, festa te gezuara, suksese te metejeshme ne pune e jete! Kur te kthehesh ne detyre, mos harro se do kesh mbi supe peshen e te qenit shembull per gjithe brezin tend dhe jo vetem. Me lejo te te keshilloj te tregohesh e kujdeseshme per ta mbajtur me dinjitet gjithshka ke fituar me sakrificen tende me te madhe per detyren. Me dashuri nje qytetare.

    Përgjigju
  • Toni: 22/12/2018 12:17

    Bravo per kurajen dhe pasionin per punen. Veç te mira paç.

    Përgjigju
  • hallall: 22/12/2018 10:05

    te shkuara

    Përgjigju
  • Erik: 21/12/2018 22:59

    Te shkuara, te uroj rekuperim te plote.

    Përgjigju
  • Sondazhi i ditës:

    Partia e Mitsotakis kandidon Fredi Belerin për eurodeputet, si e vlerësoni?

Lajme të tjera



×

Lajmi i fundit

Durrës/ Nëna denoncon humbjen e fëmijës 3-vjeçar, në pranga gjyshi

Durrës/ Nëna denoncon humbjen e fëmijës 3-vjeçar, në pranga gjyshi

16 Prill, 10:42