Pas vëzhgimit të Report Tv/Autoriteti i Konkurrencës: 'Megapharma' u përpoq të nxirrte farmacitë e tjera nga tregu, shpërnda vaksinën e gripit kudo, jo vetëm tek ‘Orange’

TIRANË-Vëzhgimin e Report Tv, e "vulosi" edhe Autoriteti i Konkurrencës. Në asnjë farmaci tjetër, përveçse "Orange", nuk e gjen vaksinën e gripit sezonal.

Pas hetimeve të nisura  nga muaji shtator, Autoriteti i Konkurrencës ka urdhëruar depon farmaceutike "Megapharma", e vetmja që e disponon vaksinën, që ta shpërndajë atë në të gjitha farmacitë, dhe jo vetëm tek "Orange". Në këtë rrjet farmaceutik, në pronësi të Radim Hamzarajt, kushëri të ish-ministrit të Shëndetësisë, Petrit Vasili,  Megapharm ka 75 % të aksioneve. 

“Në rast të moszbatimit të vendimit ndërmarrja “MEGAPHARMA SHPK” ndëshkohet me gjobë deri në 10 % të xhiros vjetore për shkelje të rëndë të konkurrencës”, thuhet në vendimin e Konkurrencës.

Por sa do ta shmangë realisht ky urdhër problemin që Report Tv konstatoi prej javësh? Siç dhe vetë Autoriteti i Konkurrencës thotë, farmacitë e interesuara pranë Megapharma, kanë marrë përgjigjen se kjo depo nuk e ka vaksinën.

Nga inspektimi u konstatua gjithashtu se farmacitë e tjera deklarojnë se nuk posedojnë vaksinën, dhe se në të gjithë rastet e kërkesës për furnizim, gjatë fillimit të muajit tetor 2020, depoja e furnizimit “MEGAPHARMA”SHPK është shprehur se nuk disponon sasi për të kryer furnizimin e këtyre farmacive”, vijon vendimi.

Teksa pritet të shihet nëse ky urdhër do të reflektohet në rregullimin e konkurrencës së tregut, Megapharma është gjobitur me 1 milionë lekë, për një tjetër shkelje.

Sipas autoritetit të Konkurrencës, Megapharma në bashkëpunim me 23 depo të tjera, rritën çmimin e maskave dezinfektantëve, alkoolit dhe termometrave në periudhën kur shqiptarët rritën masivisht kërkesat në kulmin e pandemisë.

Në total vlera e gjobave  ndaj tyre është 34 milionë lekë për shtrenjtim të çmimit të maskave dhe alkoolit.

Rendit zhvillimet sipas orarit:
Ora 14:14
Monopolizuan tregun për maskat dhe dezifektantët, Autoriteti i Konkurrencës gjobit 24 depo farmaceutike

Autoriteti i Konkurrencës ka nisur hetim të thelluar për 24 depo farmaceutike për maskat, dezifektantët e alkoolin.

Kjo për shkak se në bashkëpunim me njëra-tjetrën kanë rritur çmimet e këtyre produkteve të domosdoshme në kohë pandemie, duke monopolizuar  tregun. 10 prej tyre janë gjobitur me nga 1 mln lekë dhe 14 të tjera me nga 2 mln lekë.

Nëse do të vijojnë shkeljet, do të gjobiten sa 10% e xhiros vjetore.

B.K.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Turi: 15/10/2020 16:07

    Ju sekuestroni gjithcka kane dhe ju hiqni te drejten e ushtrimit te profesionit pergjithmone kjo eshte drejtesi jo u vendosni gjoba qesharake nderkohe kane bere miliona euro

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Nënkryetari i Bashkisë Himarë, Previn Gjikuria tregon pse u tërhoq në momentet e fundit nga votimi për drejtimin e Himarës

Nënkryetari i Bashkisë Himarë, Previn Gjikuria tregon pse u tërhoq në momentet e fundit nga votimi për drejtimin e Himarës