VLORË-Sot në qiellin e Vlorës pas më shumë se 10 ditësh flakë dhe tym është dukur më në fund një helikopter me mision për të fikur zjarret. Helikopteri në vetëm pak orë punë ka bërë mrekullinë, janë vënë nën kontroll vatrat më të mëdha të zjarreve dhe tashmë po punohet me intensitet për fikjen përfundimtare të tyre.
Ky ka qenë njoftimi që e ka dhënë vetë edhe ministri i Mbrojtjes, Niko Peleshi përmes një postimi në rrjetet sociale. Peleshi falënderon të gjithë efektivët e forcave të armatosura. Por ministri nuk thotë se nëse do ishte ndërhyrë më parë do të ishin bërë dëmet kolosale të deritanishme! Ende nuk kemi informacion se përse nuk u ndërhy më parë. Pyetja e madhe në këtë situatë është: A do të mbajë kush përgjegjësi për të gjithë këtë papërgjegjshmëri?
Megjithatë gazetari i Report Tv, Armand Xhelili raporton se situata është ende serioze, me luftën që po bëhet me flakët në Karaburun, Tragjas dhe zonën e Kuçit.
Që në mëngjes helikopteri me tu mbushur në Orikum herë ka shkuar në Karaburun dhe herë në Dukat. Sipas asaj që shkruan kreu i Bashkisë së Vlorës, Dritan Leli, më ndërhyrjen e tij u përpoq orët e para të mëngjesit të vërë në kontroll flakët në një vatrave më aktive, atë në Dukat.
Vendin e kanë pushtuar zjarret, sidomos pamjet nga Qarku i Vlorës kanë qenë vërtet apokaliptike. Qytetarë të frikësuar dhe punonjës që me vetëmohim dhe mjete rrethanore, degë pemësh dhe lopata, luftojnë me flakët. Kjo ka qenë panorama e këtyre 10 ditëve ndërkohë që autoritetet kanë 'fikur' telefonat edhe për gazetarët.
Helikopteri duke u furnizuar me uje
Video / Zjarri në Karaburun dhe raportimi i gazetarit të Report TV
Ministri i Mbrojtjes, Niko Peleshi ka fshirë videon nga facebook-u të ndërhyrjes me helikopter nga ajri për të shuara vatrat e zjarrit në Karaburun dhe Dukat, ku vijon ë të digjen prej më shumë se 10 ditësh. Ministri Peleshi e prezantoi me krenari punë që po bëhej në këtë zonë, por duket se ka ndryshuar mendim pasi ka fshirë postimin për arsye ende të panjohura.
Ndërhyrja nga ajri u bë me shumë vonesë dhe pas shumë apelesh, ndërsa sot pas më shumë se 10 ditësh u shfaq një helikopter për të punuar për vënien nën kontroll të flakëve.
Vatra në zonën e Dukatit është vënë në kontroll, ndërsa problematike vijon të mbetet zjarri në Karaburun për shkak të erërave të forta, ndërsa helikopteri ka ndërpre punë në orët e pasdites për të rinisur sërish nesër.
Kjo është video që ministri Niko Peleshi ka fshirë, ku duket ndërhyrja nga ajri për shuarjen e zjarrit në Karaburun
Pas 10 ditësh në flakë, këto janë pamjet që ofrohen nga lartësia e Gadishullit të Karaburunit. Siç shihet nga pamjet e filmuara me dron, Karaburuni është i mbuluar totalisht nga re të mëdha tymi.
Të tjera vatra zjarri në malet dhe pyjet e Vlorës. Së fundmi flakë dhe tym janë konstatuar në Malin e Kuçit dhe nga pamjet e siguruara nga Report Tv situata duket shumë serioze.
Prefekti i qarkut të Vlorës Flamur Mamaj flet për situatën e zjarreve, ndërsa deklaron se në qarkun e Vlorës disa vatra janë të rrezikshme, si ajo në fshatin Tragjas, në Kuc por dhe Karaburun. Për të fikur këto zjarre kërkohet ndërhyrja nga ajri, vetëm kjo mund të jetë zgjidhje. Mamaj tregon dhe për vështërsitë që kanë pasur zjarrfikësit, punonjësit e zonave të mbrojtura por dhe prefektura për te shkuar në terren për të fikur zjarrin.
“Sot për shkak të ndërhyrjes së forcave ajrore u bë e mundur që zjarret të vihen në kontroll. Kemi vetëm pjesën mbrapa këtu në Dukat fshat për të cilën shpresojmë që edhe pas ndërhyrjes së helikopterit të mbyllet si zonë.
Në të gjithë qarkun e Vlorës kemi disa vatra të rrezikshme të cilat do ti quaja si zona të vështira për tu trajtuar. Zona e Tragjasë, kemi zonën e Kuçit ku edhe këtu ka pasur një kohëzgjatje të zjarreve. Shpresojmë që situatën ta vëmë nën kontroll. Në Karaburun është neutralizuar dhe është stabilizuar situata. Kjo vijë zjari që ndodhet pas nesh është një punë shumë e vogël që duhet të bëjë helikopteri për ta mbyllur.
Është terren shumë i thepisur dhe me bimësi. Na është dashur 6 orë për tu ngjitur në mal për të përballuar një pjesë të zjarrit që mund të shkaktonte acarim të situatës deri në kanalizim të zjarrit në drejtim të llogarasë. Zjarri është 800 m nga banesat. Për pak minuta do të ngrihet helikopteri dhe do ta sistemojmë dhe këtë zonë”, thotë Mamaj.
VIDEO/ Zjarri ne Karaburun dhe Tragjas
Pas apelit prej ditësh të Report Tv për mungesën e ndihmës nga ajri për shuarjen e zjarreve, helikopteri i Forcave të Armatosura më në fund ka vënë nën kontroll me vetëm pak orë punë vatrat më të rrezikshme të flakëve.
Pas apelit prej ditësh të Report Tv për mungesën e ndihmës nga ajri për shuarjen e zjarreve, helikopteri i Forcave të Armatosura doli sot dhe për pak orë arriti të vendosë nën kontroll vatrat më të rrezikshme.
Lajmin së bashku me krenarinë, edhe pse ditë me vonesë, e ka dhënë vetë ministri i Mbrojtjes, Niko Peleshi përmes një postimi në rrjetet sociale. Peleshi falënderon të gjithë efektivët e forcave të armatosura.
"Gjatë natës dhe orëve të para të mëngjesit janë vënë në kontroll ose neutralizuar pothuaj të gjitha situatat serioze të zjarrit, sfidë vazhdon të ngelet Karaburuni, ku është përqendruar edhe puna më e madhe e Forcave të Armatosura. Falënderoj të gjithë efektivët e Forcave të Armatosura dhe strukturave të tjera të mbrojtjes civile për angazhimin dhe sakrificën e treguar në këto ditë të nxehta, na bëni të gjithëve krenarë", ka shkruar Peleshi.
Por ministri nuk thotë se nëse do ishte ndërhyrë më parë do të ishin bërë dëmet kolosale të deritanishme! Ende nuk kemi informacion se përse nuk u ndërhy më parë.
Edhe kreut të Bashkisë së Vlorës, Dritan Leli, i janë dashur ditë të tëra për të pasur një reagim për zjarret që kanë pushtuar kryesisht Dukatin, Tragjasin dhe Karaburun.
Leli është shprehur nga Dukati se mbërritja e helikopterit të Forcave të Armatosura ka filluar të stabilizojë gradualisht situatën.
"Nga Dukati, po shohim këtë mëngjes një dritë shprese që njësoj si për natyrën vlen edhe për sakrificën e atyre dhjetëra djemve të Zjarrfikëses, Ushtrisë, përfaqësuesve të Zonave të Mbrojtura dhe Bashkisë Vlorë.
Mbërritja e helikopterit të Forcave të Armatosura, për të ndërhyrë në fikjen e zjarreve nga ajri, ka filluar të stabilizojë gradualisht gjendjen e rënduar që përfshiu Karaburunin në ditët më të nxehta të korrikut", ka shkruar Leli, teksa ka postuar edhe foto në rrjetet sociale.
Shuhen përfundimisht vatrat e zjarrit në lartësitë e fshatit Kutal në Përmet. Zjarri u aktivizua në orën 14:20 të një dite më parë dhe në orën 08:45 të ditës së sotme është vënë nën kontroll të plotë. Pylli me pisha të reja e të vjetra, shkurre në një pjesë e zonës së mbrojtur në pronësi të Bashkisë se Permetit është shkrumbuar komplet dhe në vleresimin paraprak dhe jo perfundimtar bëhet fjalë për 10 ha pyje te djegura. Zjarri ka rënë në vendin e quajtur Braçkovë, fshati Kutal.
Njësia Administrative bën me dije se “në aksionin e shuarjes se flakëve, jane angazhuar 20 forca të armatosura, 5 forca policore, 21 forca zjarrefikese nga Permeti, Kelcyra e Tepelena me 5 mjete zjarrfikëse. Njëkohesisht krahas tyre u angazhuan edhe 30 punonjës te Bashkisë Përmet. Atualisht forcat zjarrfikëse janë duke monitoruar vatrën e zjarrit dhe kontollin e djegieve në brendësi te zonës së emergjencës-shprehen burime zyrtare nga Sektori Emergjencave Civile dhe Sherbimit Zjarrefikes nga Bashkia e Përmetit.
Komente
Lajme të tjera
-
Sarandë/ Tre plaçkitje në seri brenda makinave dhe në një dyqan, arrestohet ‘skifteri’ 37-vjeçar! Zbulohen pamjet kur kryen vjedhjet (VIDEO+EMRI)
1 Nëntor, 13:32 -
Projekti ‘Lungomare’, drejt përfundimit ‘Uji i Ftohtë’-Radhimë, Rama: Po punohet edhe për projektin e bregdetit të Orikumit (VIDEO)
1 Nëntor, 08:39 -
Përmbytjet në Vlorë, nis aksioni i pastrimit dhe larjes së rrugëve, Dredha: Në të gjitha segmentet dhe lagjet! Mbështetje edhe nga bashkitë e tjera (VIDEO)
1 Nëntor, 08:28
-
Makina e 'Nazerit' me 500 mijë euro aksidentohet në Tepelenë! U përplas me një fuoristradë, 2 të plagosur ( VIDEO)
31 Tetor, 16:18
-
Gol në minutën e 98-të, Flamurtari merr fitoren e nëntë radhazi dhe kryeson Kategorinë e Parë
31 Tetor, 16:07 -
Pritet bllokimi i rrugëve nga PD dhe aleatët, Forcat 'Shqiponja' dhe FNSH mbërrijnë në rrethrrotullimin e Rrogozhinës
29 Tetor, 16:39 -
Protesta e opozitës/ Forcat e policisë mbërrijnë në rrethrrotullimin e Bradasheshit
29 Tetor, 16:28 -
Sekuestrohet apartamenti i Ilir Beqajt në Lungomare të Vlorës! Ish-ministri pronar ‘de facto’, e fshehu në emër të shokut! SPAK: Investoi 5 mln lekë, u ble për 6.7 mln lekë
29 Tetor, 14:14 -
Drejt përfundimit Spitali Psikiatrik ‘Ali Mihali’ në Vlorë, Rama: Dyfishim i hapësirave dhe kushte dinjitoze për pacientët dhe stafin
29 Tetor, 10:22 -
Ndahet nga jeta në moshën 88-vjeçare Skënder Brahimaj, legjenda e futbollit vlonjat! Drejtoi Flamurtarin dhe zbuloi Foto Strakoshën
27 Tetor, 15:34 -
Vlorë/ Punishtja e ngritur me mund iu përmbyt! Artizani: Mi preu krahët, humba 10 mijë euro! Askush s'erdhi të shohë dëmet
27 Tetor, 15:25
-
KPA lë në fuqi shkarkimin e prokurorit të Sarandës, Lorenc Mërkuri
26 Tetor, 21:51
Menaxhim skandaloz i zjarreve.Pergjegjesit duhet te vihen para pergjegjesise.
PërgjigjuT'ju vije turp te gjitha paleve qe vonuan procesin ne dem te pasurive qe i kemi te gjithe. Te behet hetim dhe te shkarkohen e te gjobiten gjithe plehrat qe e bene kete per sherre interesa personale.
PërgjigjuDuhet te shkarkohen te gjithe pergjegjesit per vonesen e helikopterit. Zv.ministraja e para.
PërgjigjuDemet qe po krijohen cdo vere kane kosto te larte ne pyje duke jaluar dhe vleren e helikopteteve qe cohen per remont ne k9hen e veres. Ka ardhur koha qe Emergjencat civile te kene ne dispozicion dy helukoptere sikurse ka dhe Ministria e shendetsise .Vet terreni i thyer e ben jo efektive nderhyrjen e zjarrfijsave.Kam besim se Niko Peleshi si organizator i njohur do degjoj zerin e mijera qytetareve per kete problem ,sa ekologjik aq dhe sicial ekonomik.Zonja Bici me deklaraten qe dha per zjarret nuk duhet te jete me aty.Zjarrfiksit me mjetet qe kane pi tregojne heroizem mes flakesh
Përgjigju