Pas Muçit, bie edhe Xhaferllari, Kolegji e shpall të paligjshëm mandatin në Kushtetuese

Pas Muçit, bie edhe Xhaferllari, Kolegji e shpall të paligjshëm mandatin në Kushtetuese

Mandati i Marsida Xhaferllarit si anëtare e Gjykatës Kushtetuese, e emëruar disa ditë më parë nga Presidenti Ilir Meta, është zyrtarisht i paligjshëm. Kolegji i Posaçëm i Apelimit ka vendosur sot të lërë në fuqi vendimin e Komisionit të Pavarur të Kualifikimit për fatin e Marsida Xhaferllarit. KPK (shkalla e parë e Vetingut) ka vendosur që për Marsida Xhaferllari të mos merret një vendim nëse duhet apo jo të konfirmohet në detyrë, pasi subjekti kishte humbur statusin e gjyqtares, për shkak se kishte shërbyer në Ministrinë e Drejtësisë jashtë afatit që parashikohet në ligj. Xhaferllari e kundërshtoi këtë vendim. Ajo i kërkoi Kolegjit të Apelimit ta konfirmojë në detyrë. Por, Kolegji sot vendosi të lërë në fuqi vendimin e KPK, duke e lënë Xhaferllarin pa Veting.

Vendimi i sotëm e bën automatikisht të paligjshëm mandatin e Xhaferllarit si anëtare e Gjykatës Kushtetuese. Një nga kriteret që duhet të plotësojë kandidati dhe anëtari i Kushtetueses është kalimi me sukses i Vetingut. Me vendimin e Kolegjit, Xhaferllari nuk ka një vendim se ka kaluar me sukses Vetingun, çka e bën të papajtueshëm funksionin e saj me ligjin për Gjykatën Kushtetuese. Mbetet për t'u parë lëvizja e Presidentit Ilir Meta pas këtij vendimi, nëse do të njohë mbarimin e mandatit për Xhaferllarin siç veproi në rastin e Besnik Muçit apo do të mbrojë Xhaferllarin pa Veting në Kushtetuese.

VENDIMI I PLOTE I KOLEGJIT
Trupi gjykues i Kolegjit të Posaçëm të Apelimit, i përbërë nga Ardian Hajdari kryesues, Ina Rama relator, Natasha Mulaj, Rezarta Schuetz, Sokol Çomo anëtarë, shpalli vendimin për çështjen (JR) nr.29/2019, datë 30.05.2019, për ankimin e subjektit të rivlerësimit Marsida Xhaferllari, kundër vendimit nr. 115, datë 11.03.2019 të Komisionit të Pavarur të Kualifikimit.

Në përfundim të gjykimit në dhomë këshillimi, trupi gjykues, bazuar në nenin 4 pika 6 e ligjit nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë” dhe në nenet 451 germa “b” e nenit 463 të Kodit të Procedurës Civile, me shumicë votash, vendosi:

  1. Pushimin e shqyrtimit të çështjes në Kolegjin e Posaçëm të Apelimit që i përket ankimit të subjektit të rivlerësimit Marsida Xhaferllari kundër vendimit nr. 115, datë 11.03.2019 të Komisionit të Pavarur të Kualifikimit, për shkak të tërheqjes së ankimit.
  2. Të deklarojë marrjen e formës së prerë të vendimit nr. 115 datë 11.03.2019 të Komisionit të Pavarur të Kualifikimit që i përket subjektit të rivlerësimit Marsida Xhaferllari.
  3. Ky vendim është përfundimtar dhe ka efekt të menjëhershëm.

U shpall sot, në Tiranë, më datë 27.11.2019.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gozhd Ndryshkur: 27/11/2019 20:23

    Iluminohu pak Adriatik se ke mbetur varur ne nje gozhde te ndryshkur. http://www.gjykataelarte.gov.al/web/vendim_nr_111_date_06_08_2019_per_lejimin_e_kandidimit_te_zj_marsida_xhaferllari_2222.pdf

    Përgjigju
  • ILIR BAJGA: 27/11/2019 20:11

    O ilir po tani çfar do bësh o bajg. Ushtarët fundërrina po të mbrojn e alibeja ska çfar të boj me dashnoren kauboj. Jeta jote like shkoi.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

VIDEO/ Karrige e grushte kokës, sulm brutal ndaj reperit të njohur shqiptar në Greqi

VIDEO/ Karrige e grushte kokës, sulm brutal ndaj reperit të njohur shqiptar në Greqi