POP 5

Lajmet më të lexuara të 5 minutave të fundit

Politikë

Pas Prokurorisë së Përgjithshme, Meta kërkesë edhe SPAK për informacion për ministrat e rinj 'Rama 3'

Kur kanë kaluar më pak se 48 orë nga mbërritja e shkresës zyrtare të presidentit të Republikës Ilir Meta në zyrën e kryeprokurorit Olsian Çela për të marrë informacion lidhur me 16 ministrat e rij të Edi Ramës, Report Tv ka mësuar se Prokuroria e Përgjithshme nuk i ka dhënë ende një përgjigje zyrtare. Nga ana tjetër, sot kreu i Shtetit i ka dërguar ditën e sotme po të njëjtat informacione edhe SPAK-ut. 

TIRANË- Kur kanë kaluar më pak se 48 orë nga mbërritja e shkresës zyrtare të presidentit të Republikës Ilir Meta në zyrën e kryeprokurorit Olsian Çela për të marrë informacion lidhur me 16 ministrat e rij të Edi Ramës, Report Tv ka mësuar se Prokuroria e Përgjithshme nuk i ka dhënë ende një përgjigje zyrtare. Pyetur nga gazetari i Report Tv, Arsen Rusta organi i akuzës ka deklaruar se "po, e kanë marrë shkresën dhe shumë shpejt do i kthejnë një përgjigje". Nga ana tjetër, mësohet se të gjitha prokurorive në varësi u është kërkuara informacion lidhur me këto emra nëse janë në hetim apo jo.

Nga ana tjetër, sot kreu i Shtetit i ka dërguar ditën e sotme po të njëjtat informacione edhe SPAK-ut, ku sipas Metës, i lind e drejta për të marrë informacione për punën e ministrave.

Kryeministri Edi Rama është dekretuar më 10 shtator nga kreu i Shtetit, vetëm një ditë pas betimit të deputetëve të rinj në Kuvend. Ndërkohë, përbërja e qeverisë së re u bë publike të enjten e 2 shtatorit dhe pritet të dekretohet, pasi presidenti Meta të marrë përgjigje nga prokuroria lidhur me kërkesën e tij. 12 gra e 5 burra do të jenë anëtarët e rinj të Qeverisë, ku numri 2 i saj është Arben Ahmetaj. Rama ka vendosur të rikonfirmojë 10 ministra, ndërsa largohen Brace, Majko, Shalsi, Klosi, Gjonaj dhe Denaj.

Emrat e ministrave të qeverise 'Rama 3';

  • Kryeministër – Edi Rama
  • Zëvendëskryeministër (do mbikëqyrë edhe rindërtimin) - Arben Ahmetaj
  • Ministre për Europën dhe Punëte Jashtme - Olta Xhacka
  • Ministër i Mbrojtjes - Niko Peleshi
  • Ministër i Drejtësisë - Ulsi Manja
  • Ministër i Punëve tëBrendshme - Bledi Çuçi
  • Ministre e Financave dhe Ekonomisë - Delina Ibrahimi
  • Ministre e Infrastrukturës dhe Energjisë-  Belinda Balluku
  • Ministre e Shëndetësisë dhe Mirëqenies Sociale - Ogerta Manastirliu
  • Ministre e Arsimit dhe Sportit - Evis Kushi
  • Ministre e Bujqësisë dhe Zhvillimit Rural- Frida Krifca
  • Ministre e Kulturës   Elva Margariti
  • Ministre e Mjedisit dhe Turizmit, - Mirela Kumbaro

4 ministra shteti

  • Elisa Spiropali për Marrëdhëniet me Parlamentin
  • Edona Bilalli ministre shteti për Mbrojtjen e Sipërmarrjes
  • Bora Muzhaqi ministre Shteti për Rininë dhe Fëmijët
  • Milva Ekonomi, ministre Shteti për Standardet e Shërbimeve

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

25 Dhjetor, 15:03