Pas shkarkimit nga posti i ministrit të Drejtësisë, Ylli Manjani, tashmë duket sikur ka vendosur t’i rikthehet profesionit të tij, pasi emri i ish-ministrit është shfaqur në listën e kandidatëve për Këshillin  Kombëtarë të Dhomës së Avokatisë.

Ndërkohë që rikthimi në profesionin e tij ishte një nga alternativat e propozuara nga Manjani në konferencën e tij të fundit, pas shkarkimit nga posti i ministrit, ende nuk dihet nëse ai do të vazhdojë të jetë aktiv në jetën politke.

Nga ana tjetër në garë për Këshillin Kombëtarë të Dhomës së Avokatisë janë 63 kandidat, mes të cilëve është edhe ish prokurori Theodhori Sollaku,
konstitucuinalisti Sokol Hazizaj si dhe avokati Sajmir Vishaj.

Në zgjedhjet që do të kryhen më 25 shkurt,  do të votohet për tu zgjedhur 25 nga 63 kandidatët.

Redaksia Online
D.T/Shqiptarja.com