Pas sulmeve nga serbët, KFOR u kërkon palëve të marrin ‘përgjegjësinë e plotë’ për ngjarjet në veri të Kosovës 

Komandanti i KFOR-it, gjeneralmajor Angelo Michele Ristuccia kërkoi nga Kosova dhe Serbia që të marrin “përgjegjësinë e plotë” për ngjarjet që ndodhën më 29 maj në veri të Kosovës dhe të mos fshihen pas retorikës së rremë. 

Ristuccia po ashtu kërkoi nga palët që të parandalojnë “çdo përshkallëzim të mëtejmë”.

Përmes një njoftimi për media, misioni paqeruajtës i NATO-s në Kosovë, KFOR, tha se gjatë ndërhyrjes në Zveçan të hënën, 30 ushtarë të këtij misioni u lënduan: 19 nga kontingjenti hungarez dhe 11 nga ai italian.

“Ata pësuan lëndime të shumta, përfshirë thyerje dhe djegie nga pajisjet e improvizuara shpërthyese dhe mjetet ndezëse”, u tha në njoftim.

Lajmi kryesor:

Tensionet vijojnë në veri të Kosovës, NATO çon 700 trupa shtesë: Dhuna rrezikon të ardhmen! Kurti: Demokracia nuk pezullohet

G.MO/r.k./Shqiptarja.com

TAG:
• nato ne kosove
• nato
• Jeff Hovenier
• SHBA
• tensione ne veri te kosoves
• Bajram Begaj
• KFOR
• kosove