POP 5

Lajmet më të lexuara të 5 minutave të fundit

Kosova & Rajoni

Pas Tiranës, babagjyshët
tentojnë grabitje dhe në Prizren

Kujdes nga Babagjyshët! Tre ditë pas grabitjes së TEG, tre persona të maskuar si babagjyshër, kanë tentuar grabitjen e një argjendarie në Prizren. Dyshime për të njëjtin grup grabitësish. (Në foto: vendi i ngjarjes, Prizren)
Grabitja e babagjyshërve, makina u vodh në atentatin ndaj Kajmakut
TIRANË - Kujdes nga Babagjyshët! Tre ditë pas grabitjes spektakolare të ndodhur në qendrën tregtare TEG në periferi të Tiranës, tre persona të maskuar si babagjyshër, kanë tentuar të grabisin një tjetër argjendari, këtë herë në Prizren.
 
E siç duket, babagjyshërit e Kosovës nuk e çuan dot deri në fund misionin e tyre të grabitjes, siç bën ata në Tiranë, duke vjedhur më shumë se 300 mijë euro bizhu.
 
Ngjarja ka ndodhur rreth orës 9:00 të mëngjesit në qytetin e Kosovës.
 
Tre persona të maskuar me rrobat e Babagjyshit kanë hyrë në dyqan argjendarie, por kanë hasur në reagimin e pronarit të saj dhe të një personi tjetër.
 
Gjatë kësaj ngjarjeje kanë mbetur të plagosur dy persona, pronari i dyqanit dhe një fqin i tij.
 
Pas plagosjes së dy personave, janë larguar nga vendi i ngjarjes. Policia kosovare ka nisur hetimet, dhe është vënë në ndjekie të tre babagjyshëve të cilët dyshohet se janë i njëjti grup me atë që kreu grabitjen në qendrën tregtare TEG.

Burime për A1 Report bëjnë me dije se një përfaqësues i grupit të hetimet për grabitjen e TEG është nisur me urgjencë drejt Prizrenit për të shkëmbyer infomacion me homologët kosovar pasi dyshohet se personat e grabitjes në Tiranë, janë me origjinë veriore dhe disa prej tyre nga Kosova.
 
Drejtori i Policisë në Prizren, Nexhmi Krasniqi, ka thënë se autorët e maskuar janë përleshur me pronarin e argjendarisë të cilit i ka ndalur edhe pas ndihmës së një fqinj i tij.
 
“Njëri nga të maskuarit ka gjuajtur me pistoletë dhe ka plagosur dy argjendarët”, tha Krasniqi, siç transmeton TV Prizreni. Në vendin e ngjarjes ka shkuar edhe kryeprokurori i Prizrenit, Sylë Hoxha.
 
Kjo është hera e dytë që njerëz të maskuar me veshje të Babagjyshët kanë kryer vjedhje. Të mërkurën në Tiranë, katër persona të maskuar si babagjysha e kanë grabitur një argjendari.  
 
Redaksia online
(ac/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Polonia akuzon Rusinë se po planifikon akte terroriste kundër linjave ajrore në mbarë botën

Polonia akuzon Rusinë se po planifikon akte terroriste kundër linjave ajrore në mbarë botën

15 Janar, 22:35