POP 5

Lajmet më të lexuara të 5 minutave të fundit

Sport

Pas Tiranës rradha e Pragës, sonte finalja e CL Fiorentina-West Ham! Trajneri i anglezëve: Kundërshtar i komplikuar, por fitojmë ne

Pas Europa League sonte do jetë rradha e finales së Conference League, teksa në Pragë do vihen përballë Fiorentina dhe West Ham.

Në Pragë do të dorëzohet sonte trofeu i dytë Europian për këtë sezon, pasi në orën 21:00 Fiorentina dhe West Ham do përballen për finalen e Conference League. Ky është sezoni i dytë i këtij kompeticion që vjet pa Romën të triumfonte në Tiranë.

Për Fiorentinën do të ishte kupa e parë europiane pas 62 vitesh, pasi në 1961 fitoi Kupën e Kupave. Megjithatë më shumë se sa për kohën ky trofe vlen për prestigjin, përfitimet financiare dhe mbi të gjitha për kualifikimin sezonin e ardhshëm në Europa League.

‘Vjolët’ në këtë përballje i favorizon historia, pasi në 12 ndeshje kundër ekipeve angleze kanë 3 humbje, 3 barazime dhe 6 fitore. Në prag të sfidës trajner Italiano ka deklarua se ‘West Ham është një ekip me cilësi të mëdha dhe shumë lart fizikisht’, ndërsa ka shtuar se 'në finale diferencën do ta bëjnë detajet'. Sakaq trajneri i anglezëve David Moyes e ka cilësuar si të komplikuar Fiorentinën, por ka nënvizuar se 'do bëjnë gjithçka për ti mposhtur'.

Nga lojtarët që priten më shumë në këtë finale janë Declan Rice i West Ham, gjithashtu pjesë e ekipit kombëtar të Anglisë, por edhe Lucas Paqueta, mesfushori i Brazilit. Sakaq te Fiorentina spikasin argjentinasi Nico Gonzalez, por edhe sulmuesi Arthur Cabral, i cili është golashënuesi i këtij sezoni në Conference League, por sonte pritet ta nisë nga stoli për ti lënë vendin Jovic, serbit të huazuar nga Reali.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

29 Janar, 23:01