POP 5

Lajmet më të lexuara të 5 minutave të fundit

Kultura

'Pas vdekjes', premierë në teatrin në natyrë të Korçës

Korça po i kthehet gradualisht jetës artistike. Pas një mungese disa mujore, trupa e aktorëve të Korçës dhe regjisori Hervin Çuli do të vënë në skenë komedinë e Çajupit, "Pas vdekjes". Shfaqja do të jepet në natyrë, në oborrin e Muzeut Kombëtar të Arsimit për shkak të situatës me COVID-19.

Komedia “Pas vdekjes” shkruar nga Andon Zako Çajupi, do të shfaqet premierë në qytetin e Korçës me regji të Hervin Çulit dhe interpretimin e aktorëve të Korçës. Kjo është shfaqja e parë që trupa e këtij teatri do të sjellë për artdashësit pas disa muajsh shkëputje, shkaktuar nga pandemia e covid-19.

Drejtoresha e Teatrit, aktorja Zamira Kita, shprehet se komedia vjen edhe në kontekstin e 70 vjetorit të krijimit të teatrit profesionist Andon Zako Cajupi.

“Do të vijmë me një shfaqje pas vdekjes. Një komedi e Çajpuit. Ne jetojmë vitin e 70-të të teatrit profesionist Andon Zako Çajupi", tha drejtoresha e teatrit Korçë, Zamira Kita.

Kjo vepër do të sjelle mesazhin e vyer të ruajtjes së gjuhës shqipe, pohon regjisori i shfaqjes Hervin Çuli.

“Kam ndërhyrë në tekst. Jam marrë shumë me pjesë të gjuhës shqipe. Humbjen që ne po pësojmë. Kjo dëshira për të ruajtur gjuhën është një ndër mesazhet më të rëndësishme që ka vepra. Ka lidhje me pseudo-intelektualët, me pseudo-politikanët. Vepra është politike. Pas vdekjes është një komedi politike. Adhamudhit  është pjesë e këtyre pseudo-intelektualëve, pseudo- elitave. Është me shumë lëvizje, me shumë dinamikë.  Me një finale pak të çuditshme, por që duhet ta shijoni”, u shpreh  regjisori i shfaqjes, Hervin Çuli.

Për shkak të pandemisë, komedia është zhvendosur jashtë mureve të teatrit. Ajo do të realizohet në oborrin e Muzeut Kombëtar të Arsimit. Artdashësit korçare, dhe jo vetëm mund të shohin premierën e Komedisë “Pas vdekjes” më 17 korrik, ora 20:30. Aktori Albano Prodani do të jetë ne rolin e doktor Adhamudhit dhe në role të tjera aktorët Kristian Koroveshi, Paola Kodra, Mateus Frroku dhe Silvio Guskova.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet që SHBA e jo më BE të ndërmjetësojë dialogun Kosovë-Serbi?

Lajme të tjera



×

Lajmi i fundit

Itali/ Shqiptarja ekzekutohet me plumb në kokë, në kërkim ish bashkëshorti! Videot e para nga vendi i krimit

Itali/ Shqiptarja ekzekutohet me plumb në kokë, në kërkim ish bashkëshorti! Videot e para nga vendi i krimit

29 Shtator, 00:30