Pas vizitës zyrtare në Tiranë, Erdogan sërish në Shqipëri në maj! Do të jetë i pranishëm në hapjen e xhamisë së Namazgjasë

Pas vizitës zyrtare në Tiranë, Erdogan sërish në Shqipëri në maj! Do të jetë i pranishëm në hapjen e xhamisë së Namazgjasë

Presidenti turk, Recep Tayyip Erdogan dhe kryeministri Edi Rama

Presidenti turk Recep Taip Erdogan gjatë deklaroi se do të vizitojë sërish Tiranën në fund të majit.

Në një deklaratë për mediat pas mbledhjes së qeverisë, kreu i shtetit turk deklaroi se do të jetë i pranishëm në hapjen e xhamisë së re Namazgjasë në fund të muajit Ramazan.

“Pritja që m’u bë mua dhe delegacionit tim në Shqipëri që në momentin kur shkelëm në tokën deri në largim, është shenjë e lidhjes shpirtërore që nuk këputet mes nesh dhe vëllezërve tanë në Ballkan  Për ne vetëm kaq është e mjaftueshme. Pamë nga afër edhe punimet në xhaminë madhështore në Tiranë që po ndërtojmë ne. Puna vijon ende. Me Ndihmën e Zotit, punimet do të përfundojnë shpejt dhe deri në fund të muajit të Ramazanit do ta hapim për besimtarët. Do të jem sërish në Tiranë për ceremoninë e hapjes”, tha ai.

Xhamia e Namazgjasë, e cila financohet nga qeveria turke do të ketë një kapacitet për 5000 persona dhe do të jetë xhamia më e madhe në rajonin e Ballkanit. Xhamia ka një sipërfaqe prej 6000 metrash katrorë, në vendin e njohur si Namazgjaja e Tiranës, me kupolën e lartë 35 metra dhe katër minaret, lartësia e të cilave shkon në 50 metra. Xhamia e re është drejt fundit dhe pritet të inaugurohet në fund të muajit të Ramazanit.

Presidenti turk, Recep Tayyip Erdogan më 17 janar zhvilloi një vizitë 1-ditore në vendin tonë që përkoi me përvjetorin e vdekjes së heroit tonë kombëtar, Gjergj Kastriot Skëndërbeut. Erdogan e nisi vizitën me ceremoninë e dorëzimit të çelësave të shtëpive banorëve të prekur nga tërmeti i 26 nëntorit. Lagjja e re me 522 banesa që kushtuan 42 mln euro është financim i qeverisë turke. Ai u nderua me titullin “Qytetar Nderi i Kurbinit” e ndërsa një shesh në Laç do të mbajë emrin e tij.

Erdogan më pas zhvilloi edhe një takim me Ramën në kryeministri që u pasua me një konferencë të përbashkët për shtyp dhe nënshkrimin e 7 marrëveshjeve mes dy qeverive. Erdogan përshëndeti deputetët e Shqipërisë me një fjalë përshëndetëse në Kuvend dhe në fund, inauguruan xhaminë Et’hem Beu në Tiranë dhe e mbylli me inaugurimin e Xhamisë së Et'hem Beut në kryeqytet.

J.GJ.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • geioi: 20/01/2022 09:49

    Normal. Prite kur te vije dhe diten e hapjs se shkollave ne shtator.

    Përgjigju
  • ardi: 20/01/2022 09:21

    Merre mbaje ne shtepi ne surel qe mos te lodhet vajtje ardhje per viziten e rradhes pas dy muajsh

    Përgjigju
  • Like: 20/01/2022 07:59

    E keni bere Shqiperine me keq se vendet islamike, gjej vend e ngri xhami

    Përgjigju
  • Sondazhi i ditës:

    A duhet të miratohet ligji për amnistinë fiskale deri në 2 milionë euro?



×

Lajmi i fundit

John

Përleshje e dy grupeve shqiptare në aeroportin e Perugias në Itali! 8 persona të arrestuar, momenti kur qëllohen me grushta e shkelma (VIDEO)