Pas votimit, Berisha shkon në zyrën e Bashës! Takim gati 2 orësh pasi përsëriti më parë deklaratën për rikthim në krye të partisë

Ish-kryeministri Sali Berisha pasi ka votuar për kreun e ri të PD, ka ndaluar edhe te zyra e Lulzim Bashës. Takimi ka zgjatur thuajse 2 orë por asgjë nuk është zbuluar nga ajo që është biseduar. 

Ky takim vjen pasi Berisha për habinë e të gjithë deklaroi 3 ditë më parë se mund të rikthehet sërish në krye të PD.

“Kurrë, mos thuaj kurrë” ka thënë ai në një intervistë duke shtuar se  “Nuk përjashtoj asnjë të drejtë time kushtetuese, kategorikisht”.

LEXO EDHE:
I dehur në timon, arrestohet efektivi i policisë në Rrogozhinë

Kjo deklaratë e tij të bën të mendosh se në fakt Berisha nuk është larguar kurrë nga PD edhe pse në krye të saj që prej 2013 kur dha dorëheqjen qëndron Lulzim Basha. Të njëjtën gjë Berisha e konfirmoi sot edhe pas votimit teksa nënvizoi se “është konsistent në deklaratat e tij”.

"Besoj se kjo nuk do të nxjerrë të ndarë, do ta nxjerrë të bashkuar, kandidatët i kanë shprehur pikëpamjet e tyre. Që është krejtësisht normale, janë zotuar që do të vazhdojnë pavarësisht nga rezultati përpjekjet e tyre për PD dhe për vendin. Të shohim se çfarë po bëjmë vetë për të organizuar shqiptarët, inkurajuar për ti mbledhur dhe për t’iu kthyer shpresën, besimin, se Shqipëria e bukura e dheut nuk meriton të largohemi, por meriton të punojmë me guxim të madh", tha Berisha sot.

Lajmi kryesor:

Zgjedhjet në PD/ Del rezultati paraprak, me 81% të votave edhe Lulzim Basha fiton mandatin e tretë! Kundërshtarët: Maskaradë elektorale

/K.T./Shqiptarja.com

TAG:
• Tirane
• lulzim basha
• PD
• Edith Harxhi
• sali berisha
• Bujar Nishani
• agron shehaj
• luan baci
• Fatbardh Kadilli
• zgjedhjet ne pd