Beograd- Pasi la Tiranën, ku u takua me presidentin Bajram Begaj, kryeministrin Edi Rama dhe përuroi xhaminë e madhe të Namazgjasë, Presidenti turk Recep Tayyip Erdoğan mbërriti sot në mbrëmje (10 Tetor) në kryeqytetin serb Beograd, në fazën e dytë të turneut dy-ditor në Ballkan.
Në aeroportin Nikola Tesla të Beogradit, Erdogan u prit nga presidenti serb Aleksandar Vuçiq, i cili u shpreh ndër të tjera se “vizita e presidentit turk Rexhep Tajip Erdogan është një mundësi e re për të forcuar marrëdhëniet miqësore dhe bashkëpunimin mes dy vendeve”.
Pasi takoi kolegun e tij turk në aeroportin “Nikola Tesla”, ai e priti në zyrë, në Beograd. Mes dy vendeve do firmosen marrëveshje dypalëshe. Takimet do mbahen nesër (11 Tetor), me marrëveshje të nënshkruara dhe një forum me biznesin, raporton agjencia “Tanjug”.
"Axhenda e Erdoganit përfshin një rishikim gjithëpërfshirës të marrëdhënieve dypalëshe, diskutime në një forum biznesi dhe nënshkrimin e marrëveshjeve të ndryshme për forcimin e lidhjeve ligjore. Edhe në Serbi, Turqia është ndër investitorët kryesorë apo partner në tregti dhe ekonomi", thekson media.
Por agjencia tlegrafike franceze e lajmeve AFP dhe “France24” që i referohet po asaj, shkruajnë se “vendet anëtare të NATO-s kanë gjithashtu lidhje të ngushta ushtarake, me Turqinë që furnizon Tiranën me dronët e saj Bayraktar TB2”.
Marrëdhëniet mes Serbisë dhe Turqisë kanë njohur kthesë prej vitit 2017, kur Erdogan vizitoi për herë të parë Beogradin.
“Pesë shekujt e pranisë osmane në Serbi tradicionalisht kanë rënduar shumë në marrëdhëniet midis Beogradit dhe Ankarasë. Një burim tjetër tensioni kanë qenë lidhjet kulturore dhe historike të Turqisë me ish-krahinën e shkëputur të Serbisë, Kosovën. Kosova shpalli pavarësinë në vitin 2008, një lëvizje që Beogradi ende refuzon ta njohë”, shkruan “France24”.
Por vizita e Erdoganit në vitin 2017 riparoi marrëdhëniet e Turqisë me Serbinë, tha për AFP analisti me bazë në Beograd, Vuk Vuksanovic. Që atëherë "Ballkani është një histori mjaft suksesi për Turqinë", shtoi ai.
Bashkëpunimi ushtarak
Kur Turqia i shiti dronë Kosovës vitin e kaluar, Beogradi nuk e priti mirë dhe deklaroi se ishte “e papranueshme”. Analisti Vuksanovic shprehet se ky “sherr” mund të rregullohet.
"Nuk do të habitesha nëse shohim një marrëveshje ushtarake në fund të kësaj vizite", tha Vuksanoviç.
Disa vëzhgues presin një lloj marrëveshjeje ushtarake midis Turqisë dhe Serbisë. Ai priste që bisedimet në Beograd të fokusoheshin në "bashkëpunimin ushtarak, pozicionin e kompanive turke dhe përpjekjet e Beogradit për të bindur Ankaranë që të zvogëlojë mbështetjen për Kosovën".
Edhe pse afrimi është relativisht i kohëve të fundit, lidhjet ekonomike midis dy vendeve janë tashmë të rëndësishme. Investimet turke në Serbi janë rritur nga 1 milion dollarë, në 400 milionë dollarë gjatë dekadës së fundit, tha këshilli i biznesit Turqi-Serbi për agjencinë turke të lajmeve “Anadolu”.
Eksportet turke në Serbi arritën në 2.13 miliardë dollarë në vitin 2022, nga 1.14 miliardë dollarë në vitin 2020, sipas shifrave zyrtare serbe. Turistët turq janë gjithashtu jashtëzakonisht të rëndësishëm për Serbinë, të dytit vetëm për nga numri i vizitorëve pas atyre nga Bosnja.
Presidenti turk Erdogan dhe homologu serb Vuçiç, sot në aeroportin e Beogradit
Komente
Lajme të tjera
-
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Ambasadori britanik në Kosovë reagon pasi nuk u certifikua Lista Srpska: Procesi të zhvillohet mbi bazën ligjore, jo të interesave politike
24 Dhjetor, 10:34 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
Sulmi në kanalin Ibër-Lepenc, ambasadori amerikan në Serbi: Nuk ka prova që vërtetojnë autorësinë e Beogradit
23 Dhjetor, 14:27
-
Protesta masive në Beograd, gazetari nga Presheva në Report Tv: Më e madhja ndonjëherë që kur u rrëzua Millosheviçi! Sjellja arrogante e Vuçiç i ka irrituar më shumë qytetarët
23 Dhjetor, 11:49 -
Protestat në Beograd kundër qeverisë, Vuçiç akuzon studentët: Po paguheni nga Perëndimi
23 Dhjetor, 08:32 -
Beogradi 'mpihet' nga protesta masive kundër Vuçiç dhe qeverisë së tij! Studentë nga 50 fakultete bashkë kundër presidentit serb
22 Dhjetor, 18:35 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
Berisha sulmon Dumanin dhe del kundër SHBA: E ka vendin në burg, amnistoi krimet elektorale, s'mund t'i zgjatet mandati! Merr 100 mln lekë në vit, mercenar i partisë
20 Dhjetor, 13:04 -
Vjosa Osmani e zemëruar me BE pas samitit të Ballkanit Perëndimor
19 Dhjetor, 11:17 -
Dialogu/ Petkoviç: Komisioni i Përbashkët për personat e zhdukur nis punën në janar, Kosova s'do që të hapë arkivat e UÇK
19 Dhjetor, 09:56 -
Politikani serb paralajmëron ikjen e Vuçiçit nga Serbia: Do të veprojë si Assadi
19 Dhjetor, 09:29
Shqiperise i jep drone serbise i shet arme ...kush ka mendje ta kuptoje arsyen e vizites.
Përgjigju