Pasi u diagnostikua më kancer, Kate Middelton njofton daljen e parë publike: Po bëj përparim me kurimin e sëmundjes

Princesha e Uellsit, Kate Middelton, njoftoi sot se po "përparon" në rrugën e rimëkëmbjes pasi u diagnostikua me kancer pak muaj më parë.

Në një reagim në rrjetet sociale, princesha e Uellsti thotë se do të jetë në gjendje të marrë pjesë nesër në festën e Trooping the Colour, ditëlindjen zyrtare të mbretit Charles. III, por deklaron se do t'i duhen edhe disa muaj për t'u kthyer.

‘Jam mahnitur nga të gjitha mesazhet e mira të mbështetjes dhe inkurajimit gjatë dy muajve të fundit. Me të vërtetë kanë bërë ndryshimin e madh për William dhe mua dhe na ka ndihmuar të dyve në disa nga kohët më të vështira.

LEXO EDHE:
Princi William dhe Kate Middleton postojnë kartolinën e tyre të Krishtlindjes

Unë po përparoj mirë, por siç e di kushdo që kalon nëpër kimioterapi, ka ditë të mira dhe ditë të këqija. Në ato ditë të këqija ndiheni të dobët, të lodhur dhe duhet t'i dorëzoheni trupit tuaj duke pushuar. Por në ditët e mira, kur ndiheni më të fortë, dëshironi të shfrytëzoni sa më shumë që të ndiheni mirë.

Trajtimi im është në vazhdim dhe do të vazhdojë edhe për disa muaj. Në ditët që ndihem mjaft mirë, është kënaqësi të angazhohem me jetën shkollore, të kaloj kohë për gjërat që më japin energji dhe pozitivitet, si dhe të filloj të bëj pak punë nga shtëpia.

Mezi pres të marr pjesë në Paradën e Ditëlindjes së Mbretit këtë fundjavë me familjen time dhe shpresoj të bashkohem me disa angazhime publike gjatë verës.

Po mësoj si të jem e durueshme, veçanërisht me pasigurinë. Duke marrë çdo ditë siç vjen, duke dëgjuar trupin tim dhe duke i lejuar vetes të marr kohën e nevojshme për t'u shëruar.

Faleminderit shumë për mirëkuptimin tuaj të vazhdueshëm dhe të gjithë juve që me kaq guxim i keni ndarë historitë tuaja me mua.’- shkruan Kate Middelton.

M.Q./Shqiptarja.com

TAG:
• Kate Middleton